1 Dzipfhumu 9:16 - Bhibhiliya Nya Guage

¹⁶ Kholu Faro, mufumeli wa Egipito, a di gwede aya wandra lidhoropa la Gezeri, a li vbisa khu nilo, a mbembisa vakhanani va nga bani vari dhoropani mule, a li dzega a ningela nyamahegyane waye, ngadza Solomoni, li khala thomba yaye.

1 Dzipfhumu 9:16 Iomraidhean Croise

1 Dzipfhumu 3:1

Solomoni a di gira wulongo ni Faro, mufumeli wa Egipito, a dzegana ni nyamahegyane wa Faro, a khala mwangadzi waye, a mu resa Dhoropani ga Dhavhidhe, kala a vbedza guvbaha nyumba yaye, ni Nyumba ya Pfhumu Nungungulu, gumogo ni libhiyo li dzundrulugelago Jerusalema.

1 Dzipfhumu 7:8

Nyumba yaye a nga bani na gu khala umo, yi vbahidwe ndrani nya likupakupa nya wuvili, hwane nya nyangwa, yi di vbahidwe idzosaye ni yimbe. A di vbahela gambe mwangadzi waye nyamahegyane wa Faro, nyumba nya idzosaye neyi.

1 Dzipfhumu 9:24

Gikhati nyamahegyane wa Faro, ngadza Solomoni, a nga khugago khu Dhoropani ga Dhavhidhe, a ta bela nyumbani gwaye a nga vbahedwago khu Solomoni; Solomoni a di vbaha Milo.

Josuwa 10:33

Khavbo avbo, Howamu, mufumeli wa Gezeri, a di hongola aya phasedzela Lakisi; aholu Josuwa a di sasela gumogo ni vathu vaye nyamba tshala ni moyo.

Josuwa 16:10

Khu guralo, va na Efrayimi kha va nga dzi kodza gu tutumisa Vakhanani va nga bani va vbanya tigoni ga Gezeri. Khu guralo, kala na muhuno Vakhanani va nga gu simama gu vbanya tigoni mule, aholu va gu gurumedzwa gu livba gikhaba.