1 Dzipfhumu 8:66 - Bhibhiliya Nya Guage

⁶⁶ Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

1 Dzipfhumu 8:66 Iomraidhean Croise

Genesi 47:7

Josefa a di bedza babe waye Jakobe aya mu bikela ga Faro; Jakobe a di kategisa Faro.

1 Dzipfhumu 8:1

Khavbo avbo, Solomoni a di ramba madhota yatshavbo ya na Israyeli ni vathangeli vatshavbo nya mahundzu, ni mihungo nya dzinyumba dza sanana sa Israyeli, gasi vata avbo gwaye, Jerusalema, vata dzega Ngasa nya Gidzumeledzwano gya Pfhumu Nungungulu khu Dhoropani ga Dhavhidhe a gu Siyoni, va yi yisa Nyumbani ga Nungungulu.

1 Dzipfhumu 8:47

khu tigoni va na gu yiswago iyo guya khala dzikhumbi, va guya dzi laya, va vbindrugedza va lombelela, khavo: Hi ghohide, hi giride silo nya guvivbe, hi sighohi;

1 Dzipfhumu 8:65

Khu gikhati gya gimwegyo, Solomoni a di gira buzo, ni vatshavbo va na Israyeli; ni tshangano nya khongolo wu nga bani wu dugela mivbinganoni ga Lebho-Hamati, wuya kala tsongoni wa Egipito. Va di wu gira mbeli ga Pfhumu Nungungulu wathu, livbandre na mavili matshigu, a engedzela gambe mambe livbandre na mavili matshigu, ma khala likhumi na mana matshigu.

1 Dzipfhumu 9:1

Avbo Solomoni a nga vbedzago guvbaha Nyumba ya Pfhumu Nungungulu, ni nyumba nya wufumu, ni satshavbo a nga suvago gu si gira,

2 Dzikoronika 29:36

Ezekhiya gumogo ni vathu vatshavbo, va di nengela khu edzi Nungungulu a dongisedego khidzo vathu, kholu thumo wowu va wu giride khu givbiredza.

2 Dzikoronika 30:26

Gu di manega gutsaka nya gukhongolo ngudzu dhoropani ga Jerusalema, kholu gukhugela matshiguni ya Solomoni, mwamana wa Dhavhidhe, mufumeli wa Israyeli, gima kha ga nga wonega khuwo nya nga wule dhoropani ga Jerusalema.

2 Dzikoronika 7:10

Khu litshigu nya magumavili na mararu, khu ngima nya livbandre na wuvili, Solomoni a di phalalegisa vathu, muthu ni muthu a hongola gaya gwaye na va tsakide myonyoni gwawe, kholu Pfhumu Nungungulu, a di kategiside Dhavhidhe, Solomoni ni vathu vaye va na Israyeli.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Nehemiya 9:25

Va di phanga madhoropa ma bhiyidwego, ni wulime nya gunone; ni gu wandra dzinyumba dzi tadego khu sombo nya lisima, ni milambo nya gukembwe nya mati, ni marembwe nya vhinya ni miolivha, ni misimbo nya yingi nya mihandro; va di hodza kala va khura, va nona, va tsaka khu kotani nya wuwadi wago nya wukhongolo.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 122:9

Khu kotani nya lihaladzo nya Nyumba ya Pfhumu Nungungulu wathu, nyi na gu lombela makategwa.

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Sofoniya 3:14

Embelela khu gutsaka uwe nyamahegyane wa Siyoni, kulungelani khu gutsaka enu vathu va Israyeli, nengela u womba kulungwane khu monyo wago watshavbo, uwe nyamahegyane wa Jerusalema!

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

Dhewuteronome 12:18

aholu uwe u na si hodzela wulanga wule Pfhumu Nungungulu wago, a na gu wu hathago, uwe, gumogo ni gyanana gyago, nya mwama ni egi nya nyamayi, ni githumi gyago nya mwama ni egi nya nyamayi, gumogo ni mulevhi a vbanyago dhoropani gwago; u na nengela mbeli ga Pfhumu Nungungulu wago, ga satshavbo u na girago.

Dhewuteronome 12:7

Avbovbo, mu naya hodza mbeli ga Pfhumu Nungungulu wanu, mu naya nengela khu satshavbo mu na guya girago enu gumogo ni mapango yanu, mu nengela khu satshavbo esi a na bani a mi kategiside khiso Pfhumu Nungungulu wanu.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Josuwa 22:6

Khavbo avbo, Josuwa a di va kategisa a va ruma va hongola; va bwelela mitshatshani gwawe.