1 Dzipfhumu 8:61 - Bhibhiliya Nya Guage

⁶¹ Myonyo yanu yi na vbelele khu gu tumbega ga Pfhumu Nungungulu wathu, gasi mu kodze gu gimbila khu sileletelo saye, mu sayisa milayo yaye yatshavbo kha nga muhuno.”

1 Dzipfhumu 8:61 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 15:3

Abhiya a di gira sighoho satshavbo nya gufanane nesi si ghohidwego khu babe waye, uye nasi gu fumi. Monyo waye kha nga tumbega ga Pfhumu Nungungulu waye, kha nga idzo a nga tumbegago khidzo kokwe waye Dhavhidhe.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:9

Vathu va di nengela khesi va nga ningela khu gugola gwawe; kholu va di ningela miningelo yawe ga Pfhumu Nungungulu khu matsenya; mufumeli Dhavhidhe nuye a di nengela khu litsako nya likhongolo.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Dhewuteronome 18:13

Uwe gu vbwetega gu khala na wu lulamide mbeli ga Pfhumu Nungungulu wago.