1 Dzipfhumu 8:60 - Bhibhiliya Nya Guage

⁶⁰ Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

1 Dzipfhumu 8:60 Iomraidhean Croise

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

1 Dzipfhumu 8:59

Magana yaya nya gulombe nyi ngari gu lombago ga Pfhumu Nungungulu, ma na khale vbafuvbi, mbeli ga Pfhumu Nungungulu wathu, wutshigu ni mihani, gasi uye a kodze gu vhikela mahungu ya githumi gyaye ni mahungu ya Israyeli, vathu vaye, mayelano khiso va si vbwetago guvbanyani gwawe.

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

Josuwa 4:24

gasi mafumbu yatshavbo ya mafuni ma dziti nya gukhayo gyandza gya Pfhumu Nungungulu gi na ni tshivba, gasi gikhati gyatshavbo mu simama gu ninga githawo Pfhumu Nungungulu wanu.”

1 Samuweli 17:46

Muhuno kamwe Pfhumu Nungungulu a na gu ningela mandzani gwangu, eni nyi na gu songa nyi gu pila hungo wago. Muhuno kamwe nyi na ningela sirumbi nya libutho la Vafilisitiya si rothedwa khu sinyoni sa damboni ni gu hodzwa khu sirengo nya likhabi, litigo latshavbo li na dziti gukhilo womo Nungungulu tigoni ga Israyeli.