1 Dzipfhumu 8:59 - Bhibhiliya Nya Guage

⁵⁹ Magana yaya nya gulombe nyi ngari gu lombago ga Pfhumu Nungungulu, ma na khale vbafuvbi, mbeli ga Pfhumu Nungungulu wathu, wutshigu ni mihani, gasi uye a kodze gu vhikela mahungu ya githumi gyaye ni mahungu ya Israyeli, vathu vaye, mayelano khiso va si vbwetago guvbanyani gwawe.

1 Dzipfhumu 8:59 Iomraidhean Croise

1 Dzipfhumu 8:58

Myonyo yathu yi ndrindredzele yiya iyo gwago, gasi hi kodze gu gimbila gikhati gyatshavbo khu dzindzila dzago, hi sayisa milayo, sileletelo ni sihevbudzo sago, kha nga idzo U nga leletelago khidzo vababe vathu.

1 Dzipfhumu 8:60

Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Isaya 27:3

Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Luka 11:3

Hi ninge guhodza gwathu nya litshigu ni litshigu.

Johane 17:9

“Nyi ngu va lombelela, kha nyi lombeleli litigo, aholu ava u nyi ningidego, kholu va gu limba uwe.

Dhewuteronome 33:25

Sikwinyaro sago si na manege nari sa simbi ni sugu, gurula gwago gu na simame kha nga matshigu nya guvbanye wago.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.