1 Dzipfhumu 8:48 - Bhibhiliya Nya Guage

⁴⁸ va gu vbindrugedza, va wuya avbo gwago khu monyo wawe watshavbo, ni hefemulo wawe watshavbo, na vari khu tigoni momo ga valala vawe va va vbagedego vaya va gira dzikhumbi, va gu lombelelela na va khedzide phuvbo ga litigo u ningidego vababe vawe, ga lidhoropa leli u li hathidego, ni ga nyumba yeyi nyi vbahedego lina lago;

1 Dzipfhumu 8:48 Iomraidhean Croise

1 Dzipfhumu 8:33

Vathu vago va na Israyeli, va gu padwa khu valala vawe, khu gu bani va gu ghohede, va vbindrugedza va wuya va ta rungudza Lina lago, va gu dzi laya va ta lombelela nyumbani momu,

1 Dzipfhumu 8:49

yingisa nombelo ni gulila gwawe, nuri khu ndzadzini yoyo, wulangani u khadego avbo; u va vhikela.

2 Dzipfhumu 23:25

Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Dzindzimo 119:10

Eni nya gu gu vbweta khu monyo wangu watshavbo, U nga nyi digi nyi penga, nyi hambana ni sileletelo sago.

Dzindzimo 119:145

Pfhumu Nungungulu, nyi ngu gu rana khu monyo wangu watshavbo; nyi yingise, nyi kodza gu vegisa milayo yago.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 6:11

Khavbo avbo, vama vale va di pwanana vaya ga Dhaniyeli vaya mu mana na gu lombelela, a lomba guphaswa khu Nungungulu waye.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Levhi 26:40

Aholu, va gu dzi laya khu guvivba gwawe, ni guvivba ga vababe vawe, khu sihoso va nyi giridego; va gu dzi dzi laya khu gu na va hambanide ni dzindzila dzangu,

Jona 2:4

Eni nyi di ganela, kheni: Nyi dzudzugidwe mahoni gwago, khu guralo, nyi na wuya gambe nyaluphye, nyita wona nyumba yago nya gukatege.

Zakariya 10:9

Nyi na va phalalegisa vbakari nya mahundzu, khu mayigoni ga hwindzo va na nyi dundruga, va na vbanya gumogo ni sanana sawe, khu hwane va na wuya.

Mithumo 8:36

Na va gimbide va di mana wulanga nya mati, Muetiyopi a di embela Filipi, khuye: “Mati aya. Ginani gi nyi himbedzago gubhapatiswa?”

Varoma 10:10

Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.