1 Dzipfhumu 8:42 - Bhibhiliya Nya Guage

⁴² (kholu va napwa ndruma nya Lina lago nya likhongolo, ni gyandza gyago nya tshivba, ni libogo lago li khusegidego) muthu yoyo a guta lombelela nyumbani momu;

1 Dzipfhumu 8:42 Iomraidhean Croise

1 Dzipfhumu 8:41

U na yingisa gambe muluveli a si lumbigo vathu vago va na Israyeli, aholu na guta khu mayigoni ya hwindzo, khu kotani nya lihaladzo nya lina lago,

2 Dzipfhumu 17:36

Mu na khozela Pfhumu Nungungulu a nga mu dusago khu tigoni ga Egipito, khu tshivba nya yikhongolo ni libogo nya guthawuluge; Khuye mu na gu mu khidzimela ni gu mu phasela.

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

Dzindzimo 136:12

a va dzegiside khu tshivba nya yikhongolo na khusedzide mandza, kholu lihaladzo laye li ngu simama kala gupindruga;

Dzindzimo 89:13

U na ni libogo li tiyidego mandza yago ma na ni tshivba, wa gu khusedza libogo lago la nyamudye wa gu pala.

Ekisodha 13:14

Gyanana gyago, ga matshigu matago, gya gu gu wudzisa khigyo: Esi sa gu tshamusela ginani?” U na gi hakha, khuwe: Pfhumu Nungungulu a hi duside khu tshivba yaye nya yikhongolo ngudzu khu tigoni ga Egipito, tigoni hi nga bani hiri dzikhumbi.

Ekisodha 13:3

Mosi a di embela vathu, khuye: “Dundrugani litshigu leli mu dugidego khilo khu Egipito, ndrangani nya wugumbi, kholu Pfhumu Nungungulu a mi duside khu gyandza nya tshivba; khu guralo, mu nga tshuki mu hodza gibaba nya guthedwe mela.

Ekisodha 15:14

Mayigo ma dipwa esi, ma gu ndrendremela; vathu va Filisitiya va di tala khu hwanga;

Ekisodha 3:19

Khu guralo, eni nyi ngu dziti gwadi gukheni mufumeli wa Egipito, kha na nga mi diga mu duga, vbavbandze nya guye khu gu gurumedzwa khu gyandza nya tshivba.

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Ekisodha 9:15

Kholu nari gukhwatshi nyi khuside libogo langu; nari pwani nyi thumiside tshivba yangu nyi gu veta khu tungu, uwe ni vathu vago, olu na mu mbembide mu vbela mafuni.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Jeremiya 27:5

Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 31:11

Kholu Pfhumu Nungungulu dzegiside Jakobe ni gu mu vbulugisa mandzani ga wule a nga bani ari ni tshivba guvbindra uye.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Ezekiyeli 20:33

Nyi ngu sambanya khu guvbanya gwangu, a ngu ganela Mune Pfhumu Nungungulu, nyi na mi fumela khu gyandza nya tshivba ni libogo langu nya gukhugege, ni likhulo nyi guhudego, nyi na fuma vbakari gwanu.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 3:28

U lamude khu gululama ga satshavbo U hi giredego, ni ga satshavbo U giredego lidhoropa nya guage la vababe vathu, Jerusalema; si di girwa khu gulamula gwago nya gululame, gu kala u hi ninga tsayiso yatshavbo yeyi, kotani nya sighoho sathu.

Zakariya 14:16

Mitshaledwa nya mayigo yatshavbo ma nga dwanago ni Jerusalema, khu mwaga ni mwaga yi na gwela yi ta khozela Mufumeli, Pfhumu Nungungulu nya Tshivba Yatshavbo, ni guya gira Buzo nya Mitshatsha.

Mitengo 15:14

Ni muluveli a vbanyago vbakari gwanu, mwendro uye a khadego nanu gikhati nya gulaphe ngudzu, a gu vbweta nuye gu gira ningelo nya mahema nya gu tsakise Pfhumu Nungungulu, a na gira kha nga idzo enu mu girago khidzo.

Mithumo 8:27

Filipi a di khuga a phara ndzila a hongola. Khavbo avbo, moyo nya thenwa nya Muetiyopi, ndruna nya guthavisege ya Kandasi, mufumeli nya nyamayi wa Etiyopiya, a diri muthangeli nya thomba yatshavbo ya mufumeli. A di endrede Jerusalema guta khozela Nungungulu.

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 4:6

Khu guralo, si vegedzeni ni gu si landrisa, kholu esi a na bani ari wugengeli wanu ni gupima gwanu mahoni ga vathu avo va na pwago milayo yatshavbo yeyi, va na ganela, khavo: Khu lisine litigo leli nya likhongolo li na ni vathu nya guti ni wugengeli.

Josuwa 4:24

gasi mafumbu yatshavbo ya mafuni ma dziti nya gukhayo gyandza gya Pfhumu Nungungulu gi na ni tshivba, gasi gikhati gyatshavbo mu simama gu ninga githawo Pfhumu Nungungulu wanu.”

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”