1 Dzipfhumu 8:39 - Bhibhiliya Nya Guage

³⁹ uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

1 Dzipfhumu 8:39 Iomraidhean Croise

1 Dzipfhumu 8:32

Uwe, mu yingise khu ndzadzini yoyo; thethisa, ni gulamula sithumi sago, u tsayisa uye a ghohidego, khu gu mu bweledzela guvivba gwaye gu thegela hungoni gwaye; U ditshedza oyu a lulamidego U yeyedza gululama ga oyu a giridego gululama.

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

1 Dzipfhumu 8:38

nombelo watshavbo ni gulila gwatshavbo u na giredwago khu moyo mwendro khu vathu vatshavbo va na Israyeli, muthu ni muthu a giti gighoho a giridego khu monyoni gwaye, a khusedza mandza yaye ma khedza nyumbani momu;

1 Dzipfhumu 8:40

Gasi va gu ninga githawo matshigu yatshavbo, va kodza guvbanya ga litigo u ningidego vababe vathu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 6:30

khu guralo, Uwe nuri khu ndzadzini yoyo, wulangani gwago U khalago avbo, va tsetselele U ninga muthu ni muthu mayelano khu dzindzila dzaye, kholu khuwe basi utigo myonyo ya sanana nya vathu,

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 139:1

Pfhumu Nungungulu, uwe u nyi holelede gwadi, olu u ngu nyiti.

Dzindzimo 28:4

Va ninge gukhedza khu edzi yi lombago khidzo mithumo yawe, gupima khu guvivba nya sigiro sawe; va ninge edzi wu lombago khidzo thumo nya mandza yawe, va livbe tengo wu va lumbago.

Dzindzimo 33:14

Khu wulanga a khalago avbo, a gu khedzisa a wona vathu vatshavbo va vbanyago mafuni.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Ezekiyeli 18:30

Khu guralo, enu va na Israyeli, eni nyi na mi lamula, moyo ni moyo gukhedza khu dzindzila dzaye. A ngu ganela Mune, Pfhumu Nungungulu. Dzi layeni mu hambana ni guvivba gwanu gwatshavbo, gasi gighoho gi si khali givangelo nya gu mu tshunganise.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Josuwa 22:22

Nyadzitshivbe, Nungungulu, Pfhumu, Nyadzitshivbe, Nungungulu, Pfhumu, Uye a ngu dziti; Israyeli nuye a na dziti! Ethu ha gu bani hi giride esi khu gu hambana ni gu wugela Pfhumu Nungungulu ni gu mu ghohela, muhuno kamwe Uye a nga hi vbanyisi.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

Gutuledwa 22:12

“Wonani, eni nyi nguta khu gu vbiredza, nyi resa tshatshazelo wa muthu ni muthu gukhedza khu mithumo yaye.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.

1 Samuweli 2:3

Mu nga engedzeli gu ganela khu matshandza. Gu nga dugi khu kanani gwanu magana nya guvale; kholu Pfhumu Nungungulu a tigo satshavbo Uye khuye basi a kodzago gu tugula mithumo ya vathu.