1 Dzipfhumu 8:36 - Bhibhiliya Nya Guage

³⁶ Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

1 Dzipfhumu 8:36 Iomraidhean Croise

1 Dzipfhumu 18:1

Hwane nya gu bani na ma vbindride matshigu nya gutale, khu mwaga nya wuraru, Pfhumu Nungungulu a di ganela kharati ga Eliya, khuye: “Indra dzi wonegisa ga Akabi; kholu nyi na wisa ndzadzi mafuni.”

1 Dzipfhumu 18:41

Khavbo avbo, Eliya a di embela Akabi, khuye: “Khuga u gwele u ya hodza u sele, kholu gu ngu pwala gudzuma nya ndzadzi nya yingi.”

1 Dzipfhumu 18:45

Gikhati gyogyo, damboni gu di phuma khu mapfhi ni phuvbo, guta ndzadzi nya yingi ngudzu; Akabi a di khilela kareta a hongola Jezireyeli.

Dzindzimo 119:133

Tiyisa migondro yangu ndzilani nya mahungu yago, u nga nyi digi nyi fumwa khu guvivba.

Dzindzimo 119:33

Pfhumu Nungungulu, nyi hevbudze guti ndzila nya sileletelo sago, gasi nyi si landrisa kala mahegiso.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 25:12

Muthu a thavago Pfhumu Nungungulu, Uye a na mu hevbudza ndzila nya gubele khiyo;

Dzindzimo 25:8

Pfhumu Nungungulu khwadi, gambe lulamide, khu guralo, a ngu nonedza ndzila sighohi.

Dzindzimo 27:11

Nyi hevbudze ndzila yago Pfhumu Nungungulu, nyi gimbidzise khu ndzila nya gululame khu kotani nya talo ya valala vangu;

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Dzindzimo 5:8

Pfhumu Nungungulu, nyi gimbidzise khu gululama gwago, khu kotani ya valala va nyi holelelago; lulamisa ndzila yago mbeli gwangu!

Dzindzimo 68:10

Vathu vago va vbahide tigoni momo dzindranga dzawe; uwe Nungungulu khu wuhindzi wago, u ningide sisiwana esi si vbwetegago.

Dzindzimo 68:9

Uwe Nungungulu, u wiside ndzadzi nya yingi; u wusedza litigo lago li nga bani li vbede tshivba.

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Dzindzimo 94:12

Pfhumu Nungungulu, kategide muthu u mu layago, oyu u mu hevbudzago nayo wago.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 42:3

gasi Pfhumu Nungungulu wago, a hi nonedza ndzila hi yelago gu gimbila khiyo ni iso hi yelago gu gira.”

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.