1 Dzipfhumu 8:30 - Bhibhiliya Nya Guage

³⁰ Gasi olu, yingisa nombelo wa githumi gyago ni wa vathu vago va na Israyeli, va guta vata lombelela wulanga wowu. Uwe nuwe, va yingise khu wulangani gwago u khalago avbo, ndzadzini yoyo, va yingise bwelo khavbo u va tsetsela.

1 Dzipfhumu 8:30 Iomraidhean Croise

1 Dzipfhumu 8:34

uwe va yingise nuri khu ndzadzini yoyo, u tsetselela gighoho gya vathu vago va na Israyeli, bwelo khavbo u va dzega u va yisa ga litigo u ningidego vababe vawe.

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

1 Dzipfhumu 8:39

uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

1 Dzipfhumu 8:49

yingisa nombelo ni gulila gwawe, nuri khu ndzadzini yoyo, wulangani u khadego avbo; u va vhikela.

2 Dzikoronika 20:6

a di ganela, khuye: “Oh! Pfhumu Nungungulu wa vababe vathu, ina khandri Uwe Nungungulu a guromo ndzadzini, gani? Ina khandri Uwe mufumeli nya mayigo yatshavbo, gani? Mandzani gwago, yomo tshivba ni wufumu, mwalo a dzi kodzago gu dwana nago.

2 Dzikoronika 6:21

Gasi olu, yingisa nombelo wa githumi gyago ni wa vathu vago va na Israyeli, va guta va ta gu girela ga wulanga wowu; khu wulanga wago U khalago avbo ndzadzini yoyo, va yingise, U bwelo khavbo U va tsetselela.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Dzindzimo 123:1

Nyi ngu khusa maho yangu nyi khedza iyo gwago, Uwe u khalago ndzadzini.

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.

Dzindzimo 85:2

U tsetselede guvivba ga vathu vago, u va divalela sighoho sawe satshavbo.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Muhevbudzi 5:2

U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 9:19

Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Matewu 6:9

“Khu kharato, lombelelani, kharati: ‘Baba wathu u guromo Ndzadzini, lina lago li na rungudzwe.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.