1 Dzipfhumu 8:29 - Bhibhiliya Nya Guage

²⁹ Gasi maho yago, wutshigu ni mihani, ma na tulege ma wona nyumba yeyi, ni wulanga wowu, u ganedego u thula uwo, khuwe: Lina langu li na khala vbale; gasi gupwa nombelo u giredwago khu githumi gyago wulanga wowu.

1 Dzipfhumu 8:29 Iomraidhean Croise

1 Dzipfhumu 11:13

Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 14:21

Robhowamo, mwamana wa Solomoni, a diri ni tanga nya magumana na moyo myaga nya guvelegwe, gikhati a phedego gu fumela Judha, fumide likhumi na livbandre myaga Jerusalema, lidhoropa li nga hathwago khu Pfhumu Nungungulu vbakari ga mahundzu yatshavbo ya na Israyeli, gasi gu vega umo lina laye. Lina la mayi waye a diri uye Nahama, nya lifumbu la na Amoni.

1 Dzipfhumu 8:16

Gukhugela litshigu lile nyi dusidego vathu vangu va na Israyeli, khu tigoni ga Egipito, gima kha nya nga hatha limbe lidhoropa vbakari nya mahundzu yatshavbo ya na Israyeli, gasi gu nyi vbahela umo nyumba yi na lumbago lina langu, aholu nyi di hatha Dhavhidhe, gasi gu fumela vathu vangu va na Israyeli.

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

1 Dzipfhumu 8:52

Maho yago ma na tulege ma wona gu lomba ga githumi gyago, ni gupwa gu lomba ga vathu vago va na Israyeli, gasi u yingisa satshavbo gikhati va ranago lina lago.

1 Dzipfhumu 9:3

Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

2 Dzipfhumu 19:16

Olu Pfhumu Nungungulu, neredza ndzeve yago u nyi yingisa! Olu tula maho, Pfhumu ma wona! Yingisa Pfhumu magana ya Senakerebhi, a ma rumedego guta vala Nungungulu a vbanyago.

2 Dzipfhumu 21:4

A di vbaha siluvelo Nyumbani ga Pfhumu Nungungulu, umo Pfhumu a nga ganelago, khuye: “Nyi na vega Lina langu Jerusalema.”

2 Dzipfhumu 21:7

Emiside gambe gifananiso nya simbo gya Asitaroti, Nyumbani ga Pfhumu Nungungulu, a ganedego ga Dhavhidhe ni ga mwanaye Solomoni, khuye: “Nyumbani momu, ni dhoropani momu ga Jerusalema, nyi gu hathide vbakari nya mahundzu yatshavbo ya Israyeli, gukheni nyi na vega Lina langu kala gupindruga.

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 20:8

Va vbahide omu, va bwelo khavbo va vbaha nyumba nya miphaso nya guphasele lina lago, khavo:

2 Dzikoronika 33:4

Vbahide giluvelo Nyumbani ga Pfhumu Nungungulu, avbo Uye Pfhumu Nungungulu a nga bani a ganede, khuye: “Lina langu li na khala Jerusalema kala gupindruga.”

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

2 Dzikoronika 6:20

Wutshigu ni mihani, maho yago ma na wone wulanga wowu, U ganedego khuwe, U na vega avbo lina lago, gasi U yingisa nombelo wa githumi gyago gi gu girelago.

2 Dzikoronika 6:40

Gasi olu, Uwe, Nungungulu wangu, maho yago ma na tulege, dzindzeve dzago dzi yingisa, nombelo yoyu nyi girago wulanga wowu!

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Dzindzimo 138:2

Nyi na khidzima nyumbani gwago nya guage nyi rungudza lina lago khu wuwadi ni lisine lago; kholu u dandriside situmbiso sago vbatshani nya sigiro satshavbo.

Dzindzimo 34:15

Maho ya Pfhumu Nungungulu ma gu khedzisela avo va lulamidego; dzindzeve dzaye dza gu yingisela gulila gwawe.

Ekisodha 20:24

U na nyi girela giluvelo khu mafu, u ningelago avbo miphaso yago nya guvbiswe, ni eyi nya gubonge, ni dzimhamba dzago nya dzinvuta ni dzimombe. Ni wevbini wulanga nyi wu hathidego gasi gu alakanya avbo Lina langu, nyi nata gwago nyi ta gu kategisa.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 9:18

Nungungulu wangu, neredza ndzeve yago u yingisa; u tula maho yago u wona gu pfhungumudwa nya lidhoropa lago, li ranwago khu lina lago. Kholu kha hi giri gilombo gegi gwago khu gu na hiri valulami, aholu khu kotani nya wuhindzi wago nya wukhongolo.

Zakariya 12:4

Litshigu lolo, a ngu ganela Pfhumu Nungungulu, nyi na wusa pfilupfilu nyi thusa dzikavalu dzatshavbo, nyi handrugisa mapimo ya vakhileli va kone. Nyi na thendregedza maho yangu nyi khedza nyumba ya Judha nyi yi vhikela; nyi na gira dzikavalu dzatshavbo dza va nya mayigo dzi khala sikhumu.

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:14

aholu ga wulanga wule Pfhumu Nungungulu a na wu hathago vbakari nya mahundzu yago, khavbo u naya girago miphaso nya guvbiswe, gambe avbovbo u naya gira satshavbo nyi gu leletelago.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

Dhewuteronome 16:2

Khavbo avbo, u na dusa gifuyo gya tshambini gwago u gira khigyo ningelo nya phaso nya Phasika ga Pfhumu Nungungulu wago, wulangani wu na gu hathwago khu Pfhumu Nungungulu gasi gu khala avbo lina laye.

Dhewuteronome 16:6

vbavbandze basi ga wulanga Pfhumu Nungungulu wago a na gu wu hathago gasi gu khala avbo lina laye, khavbo u na gu girago avbo mhamba nya Phasika vbasilambotunu, gupfolani nya lidambo, a gu igyo gikhati u dugidego khigyo khu tigoni ga Egipito.

Dhewuteronome 26:2

u na dzega mihandro nya guphele nya satshavbo iso mu na gu vbwerago sa mahangeni ya tigoni omu Pfhumu Nungungulu wago, a na gu ningago, u na si thela mugitundruni, u hongola naso ga wulanga owu Pfhumu Nungungulu wago, a na gu wu hathago gasi gu khala avbo lina laye.