1 Dzipfhumu 8:27 - Bhibhiliya Nya Guage

²⁷ Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

1 Dzipfhumu 8:27 Iomraidhean Croise

2 Dzikoronika 2:5

Nyumba nyi vbwetago guvbaha, yi na bani yiri yikhongolo, kholu Nungungulu wathu, khongolo guvbindra vanungungulu vatshavbo.

2 Dzikoronika 2:6

Khu guralo, khu mani a nga hadza gu mana tshivba nya gu mu vbahele nyumba? Kholu ambari gupindruga ni wugulu waye watshavbo, wusi kodzigo gu mu enedza. Kheni mani eni nya gukala nyi Mu vbahela nyumba? Gimwalo gimbe gilo nyi yelago gu gira vbavbandze nya guvbise libani mbeli gwaye.

2 Dzikoronika 6:18

Ina kamwe Nungungulu, a ngu kodza guvbanya ni vathu mafuni momu, gani? Nga khedza ndzadzini ni gupindruga ga dzindzadzi gu si gu eneligo, ginani ginyumbana gegi nyi gu vbahedego?

Dzindzimo 113:4

Pfhumu Nungungulu khugegide vbatshani nya mayigo yatshavbo, ni wudhumo waye womo vbatshani guvbindra ndzadzini.

Dzindzimo 148:4

Dzindzadzi nya dzindzadzi, dzi na mu dhumise, mu dhumiseni enu mati mu guromo vbatshani nya ndzadzi.

Dzindzimo 68:33

Uye a guromo khu gale vbatshani ndzadzini; yingisani, uye a ngu pwadza lito laye, a gu lito nya tshivba.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Mithumo 17:24

Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.

2 Vakorinto 12:2

Nya guti muthu moyo a khodwego ga Kristo, oyu hwane nya likhumi na mina myaga a nga khusedzwa a gwela Ndzadzini. Gani hongode khu givili, gani khu liphuvbo, kha nyi dziti. Nungungulu khuye a dzitigo,

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Dhewuteronome 10:14

Wona nya gukhuwe dzindzadzini gwatshavbo, ni mafuni ni satshavbo si guromo umo sa gu lumba Pfhumu Nungungulu wago.

1 Johane 3:1

Wonani wukhongolo nya lihaladzo la Babe ga ethu, gu kala hi gu ranwa pwani hi sanana sa Nungungulu. Lisine kamwe, hi sanana sa Nungungulu. Litigo kha li hiti, kholu kha la muti Nungungulu.