1 Dzipfhumu 8:25 - Bhibhiliya Nya Guage

²⁵ Gasi, olu, Pfhumu Nungungulu wa Israyeli, tadzisa iso u ganedego ga githumi gyago, babe wangu Dhavhidhe, u nga ganelago, khuwe: Gima kha gu na hamugega nyumbani gwago muthu nya livelego lago, a na gu fumelago va na Israyeli khu Lina langu, sanana sago sa gu dzi garadza khu gu landrisa dzindzila dzawe, va gimbila mbeli gwangu kha nga idzo uwe u nga gimbilago khidzo mbeli gwangu.

1 Dzipfhumu 8:25 Iomraidhean Croise

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

1 Dzipfhumu 8:24

Kholu u tadziside gitumbiso u giridego ga githumi gyago, babe wangu Dhavhidhe. Kholu satshavbo u ganedego khu likana lago, si tadzisegide khu mandza yago, kha nga si wonegago muhuno.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 119:9

Lidzaha li na dzi khodza karini gu agisa mavbanyelo yaye? Khu gu vegisa basi mahungu yago.

Dzindzimo 132:12

Sanana sago sa gu vegisa pwanano wangu ni sileletelo nyi va hevbudzidego, sanana sawe niso si na khala vbagikhalotunu nya wufumu wago kala gupindruga.”