1 Dzipfhumu 8:22 - Bhibhiliya Nya Guage

²² Khavbo avbo, Solomoni a di ema mbeli nya giluvelo gya Pfhumu Nungungulu, a khusedza mandza vbatshani, mbeli nya tshangano watshavbo wa Israyeli,

1 Dzipfhumu 8:22 Iomraidhean Croise

1 Dzipfhumu 8:54

Avbo Solomoni, a nga vbedzago gu gira ga Pfhumu Nungungulu nombelo yoyu ni gilombo gegi, na khidzimide a khusedza mandza ndzadzini, a di khuga khavbo a nga bani a khidzimide, mbeli nya giluvelo gya Pfhumu Nungungulu,

2 Dzipfhumu 11:14

A di khedza a wona mufumeli nari vbafuvbi ni lidingo kha nga giolovedzo, vathangeli ni vawombi nya mipundru va diri ni mufumeli, vathu vatshavbo va tigoni va di tsakide va womba mipundru; khavbo avbo, Ataliya a di pferula dzingandzu dzaye, a womba huwa, khuye: “Wuwugeli! Wuwugeli!”

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

Ezira 9:5

Vbafuvbi ni gu gira phaso nya silambo, nyi di wuga khu guswihalani gwangu, kha nga nyi nga bani nyi pferude dzingandzu dzangu ni gifenengelo gyangu, nyi di khidzima khu dzikhungumudzi dzangu, nyi thawuludza mandza yangu ga Pfhumu Nungungulu wangu.

Joba 11:13

Wa gu dzi ningela gwaye khu monyo wago watshavbo, u khusedza mandza yago u lombelela gwaye;

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.

Dzindzimo 63:4

Khu guralo, nyi na gu rungudza na nyi nga gu vbanya; matshigu yatshavbo nya guvbanye gwangu, nyi na khusedza mandza nyi gu bonga.

Ekisodha 33:10

Vathu vatshavbo, na va gu wona lipfhi vbamwanyatunu nya Tshatsha, va di khuga va ema, va khozela, moyo ni moyo vbamwanyatunu nya tshatsha waye.

Ekisodha 9:29

Mosi a di mu embela, khuye: “Avbo nyi na dugago khu dhoropani nyi na ya khusedza mandza nyi lomba ga Pfhumu Nungungulu; mabara ma na degula ni ndzadzi nya maralala yi na khamuga, ufela gu dziti gukhuwe litigo la gu lumba Pfhumu Nungungulu.

Ekisodha 9:33

Khavbo avbo, Mosi a di khuga mahoni ga Faro a duga vbavbandze nya lidhoropa. A di khusedza mandza ga Pfhumu Nungungulu; mabara ma di degula, ni ndzadzi nya maralala yi di khamuga, yi siwi gambe tigoni.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.