1 Dzipfhumu 8:2 - Bhibhiliya Nya Guage

² Vama vatshavbo va na Israyeli va di tombana vbabuzotunu ga mufumeli Solomoni, khu ngima nya Etanimi, a gu ngima nya livbandre na mivili.

1 Dzipfhumu 8:2 Iomraidhean Croise

1 Dzipfhumu 12:32

A gira buzo khu litshigu nya likhumi na livbandre khu ngima nya livbandre na wuraru, nya gufanane ni buzo wu nga bani wu girwago tigoni ga Judha, a ningela miphaso vbagiluvelotunu. A di gira isoso tigoni ga Bheteli, avbo a nga phaselago simombyana a nga bani na si giride. A emisa gambe vaphasi nya mhamba umo nya siluvelo saye nya vanungungulu nya malipha.

1 Dzipfhumu 8:65

Khu gikhati gya gimwegyo, Solomoni a di gira buzo, ni vatshavbo va na Israyeli; ni tshangano nya khongolo wu nga bani wu dugela mivbinganoni ga Lebho-Hamati, wuya kala tsongoni wa Egipito. Va di wu gira mbeli ga Pfhumu Nungungulu wathu, livbandre na mavili matshigu, a engedzela gambe mambe livbandre na mavili matshigu, ma khala likhumi na mana matshigu.

2 Dzikoronika 5:3

Vathu vatshavbo va na Israyeli va diya tshangana ga mufumeli gikhatini nya buzo, wu giridwego khu ngima nya livbandre na wuvili.

Ezira 3:4

Va gira Buzo nya Mitshatsha, kha nga idzo gu lovidwego khidzo; va ningela miningelo nya guvbiswe, khu litshigu ni litshigu, khu magirelo yakone ni nayo wakone nya fanelo nya litshigu ni litshigu.

Levhi 23:34

“Ganela kharati ga sanana sa Israyeli, khuwe: Khu litshigu nya likhumi na livbandre nya ngima yoyu nya livbandre na mivili, mu na alakanya buzo nya Mitshatsha, mu rungudza Pfhumu Nungungulu, livbandre na mavili matshigu.

Johane 7:2

Wu diri vbafuvbi buzo nya Vajudha, wule wu ranwago pwani i Buzo nya Mitshatsha.

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Dhewuteronome 16:13

U na gira buzo nya Mitshatsha ndrani nya livbandre na mavili matshigu, hwane nya gu bani na wu hengeledzede dzimbewu dzago githalani ni gikhwatini gwago.