1 Dzipfhumu 8:16 - Bhibhiliya Nya Guage

¹⁶ Gukhugela litshigu lile nyi dusidego vathu vangu va na Israyeli, khu tigoni ga Egipito, gima kha nya nga hatha limbe lidhoropa vbakari nya mahundzu yatshavbo ya na Israyeli, gasi gu nyi vbahela umo nyumba yi na lumbago lina langu, aholu nyi di hatha Dhavhidhe, gasi gu fumela vathu vangu va na Israyeli.

1 Dzipfhumu 8:16 Iomraidhean Croise

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 8:29

Gasi maho yago, wutshigu ni mihani, ma na tulege ma wona nyumba yeyi, ni wulanga wowu, u ganedego u thula uwo, khuwe: Lina langu li na khala vbale; gasi gupwa nombelo u giredwago khu githumi gyago wulanga wowu.

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

1 Dzikoronika 17:3

Aholu khu wutshigu wowo wa wumowo, Lito la Pfhumu Nungungulu li dita ga Natani, khilo:

1 Dzikoronika 28:4

Ambari khu guralo, Pfhumu Nungungulu wa Israyeli hawude eni, nyumbani gwatshavbo ga vavelegi vangu, gasi nyi khala mufumeli wa na Israyeli guvbanyani gwangu gwatshavbo; kholu Uye khu gale hathide Judha gu khala muthangeli, nyumbani ga na Judha hathide nyumba ya babe wangu. Ni vbakari ga sanana sa babe wangu, hathide eni nyi nga mu tsakisa, a nyi emisa gu khala mufumeli wa vatshavbo va na Israyeli kala gupindruga.

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Dzindzimo 132:13

Kholu Pfhumu Nungungulu hathide gigomo gya Siyoni, a gi gode gu khala wulanga waye nya gu hefemulele avbo.

Dzindzimo 78:70

A di hatha githumi gyaye Dhavhidhe, a mu dusa panini mavbandroni nya dzinvuta,

Dzindzimo 89:3

Uwe u di khuwe: Nyi giride gidzumeledzwano ni gihathwa gyangu, nyi sambanya ga Dhavhidhe, githumi gyangu, kheni:

Jeremiya 7:12

Gasi olu, nga hongolani ga wulanga wangu gu nga bani guri dhoropani ga Silo, avbo guhegulani gu nga bani gu khala avbo lina langu, mu ya wona iso nyi li giridego khu kotani nya sighoho sa vathu vangu, va na Israyeli.

Dhewuteronome 12:11

Khu guralo, gu na manega wulanga wu na hathwago khu Pfhumu Nungungulu wanu, gasi guya vega avbo lina laye; ga wulanga wowo, mu na vbohisa satshavbo esi nyi mi leletelago a gu esi: Miphaso yanu nya guvbiswe, ni dzimhamba dzanu, ni miningelo yanu nya gipandre nya likhumi, ni eyi nya mandza yanu, ni miningelo yanu mu sambanyidego gu ninga Pfhumu Nungungulu.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”