1 Dzipfhumu 8:15 - Bhibhiliya Nya Guage

¹⁵ A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzipfhumu 8:15 Iomraidhean Croise

2 Samuweli 6:18

Avbo Dhavhidhe, a nga vbedzago gu ningela miphaselo nya guvbiswe ni miningelo nya gurule, a di kategisa vathu vatshavbo khu lina la Pfhumu Nungungulu nya Tshivba Yatshavbo.

2 Samuweli 7:25

Gasi olu Pfhumu Nungungulu, tadzisa gitumbiso u tumbisidego githumi gyago ni ga ndranga yaye, u gira kha nga idzo u ganedego khidzo.

2 Samuweli 7:5

“Indra uya embela githumi gyangu Dhavhidhe, khuwe: Pfhumu Nungungulu a ngu ganela kharati, khuye: U na nyi vbahela uwe nyumba nya gukhale Eni, gani?

1 Dzikoronika 16:36

A na bongwe Pfhumu Nungungulu wa Israyeli, khu gupindruga ni gupindruga!” Khavbo avbo, vathu vatshavbo va di khavo: Amen! Va dhumisa Pfhumu Nungungulu.

1 Dzikoronika 17:12

Uye khuye a na gu nyi vbahelago nyumba; Eni nyi na tiyisa gikhalo gyaye nya wufumu kala gupindruga.

1 Dzikoronika 22:10

Uye khuye a na gu vbahago nyumba khu Lina langu; uye a na khala gyanana gyangu, ni eni nyi na bani nyiri babe waye; mufumo waye nyi na wu tiyisa kala gupindruga vbakari ga na Israyeli.

1 Dzikoronika 29:10

Khavbo avbo, Dhavhidhe a di rungudza Nungungulu, na gu wonwa khu tshangano watshavbo, khuye: U na bongwe Uwe Pfhumu Nungungulu wa babe wathu Israyeli, khu gupindruga ni gupindruga!

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 20:26

Khu litshigu nya wu na va di ya tombana kovani wa Bheraka, kholu vbale va di yela guya dhumisa Pfhumu Nungungulu; khu guralo, wulanga wule wu di ranwa kova nya gikategiso kala na muhuno.

2 Dzikoronika 6:4

A ganela, khuye: “A na bongwe Pfhumu Nungungulu wa Israyeli, a ganedego abune ga babe wangu, Dhavhidhe, khu tshivba yaye a tadziside gitumbiso a giridego, khuye:”

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 115:18

Aholu ethu hi vbanyago, hi na dhumisa Pfhumu Nungungulu, gukhugela olu kala gupindruga. Aleluya! A na dhumiswe Pfhumu Nungungulu!

Dzindzimo 138:2

Nyi na khidzima nyumbani gwago nya guage nyi rungudza lina lago khu wuwadi ni lisine lago; kholu u dandriside situmbiso sago vbatshani nya sigiro satshavbo.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

Luka 1:70

Kha nga idzo a nga ganelago khidzo galegaleyo, khu magana ya vaprofeti vaye nya gukatege,

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Josuwa 21:45

Gu di tadzisega magana yatshavbo nya yadi, Pfhumu Nungungulu, a ganedego ga ndranga ya Israyeli.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Samuweli 25:32

Khavbo avbo, Dhavhidhe a di embela Abhigayili, khuye: “A na bongwe Pfhumu Nungungulu wa Israyeli, a gu rumedego muhuno gu nyi khinga.