1 Dzipfhumu 7:51 - Bhibhiliya Nya Guage

⁵¹ Mufumeli Solomoni a di vbedza kharati thumo watshavbo a wu giridego wa Nyumbani ga Pfhumu Nungungulu. Khavbo avbo, mufumeli Solomoni a di resa sombo satshavbo nya guage sa babe waye Dhavhidhe, si ta Nyumbani ga Pfhumu Nungungulu a gu esi: Parata, ndralama ni mikanvu, a ta si vega wulangani nya dzithomba.

1 Dzipfhumu 7:51 Iomraidhean Croise

1 Dzipfhumu 15:15

Uye a di resa ga Pfhumu Nungungulu, sombo satshavbo si nga bani si phasedwe khu babe waye, niso a nga si phaselago uye mune, parata ndralama ni mikanvu.

1 Dzipfhumu 6:14

Khu kharati, Solomoni a di vbaha nyumba a yi vbedza.

1 Dzipfhumu 6:9

A di vbedza kharati guvbaha nyumba, a yi mburisela, a gu alela vbatshani khu mithimba ni mapulango nya sedhari.

2 Dzipfhumu 25:15

Muthangeli nya vawoneleli, a di dzega gambe sombo nya guthele magala nya guvbise libani, sinamelo ni satshavbo iso si nga bani siri sa ndralama, ni satshavbo si nga bani siri sa parata.

2 Dzikoronika 5:1

Khu kharati, mufumeli Solomoni, a di vbedza thumo watshavbo a wu thumidego Nyumbani ga Nungungulu; khavbo avbo, Solomoni a di resa sombo satshavbo nya miphaso sa babe waye Dhavhidhe, esi a nga bani a si phasede Nyumbani ga Nungungulu, a gu esi: Parata, ndralama ni sombo satshavbo, uye a dita si vega vbakari nya dzithomba dza Nyumbani gwa Nungungulu.

2 Dzikoronika 8:15

Vaphasi nya mhamba ni va na Levhi, gima kha va hambana ni sileletelo sa mufumeli ni ga gevbini gilo, ambari khumo nya dzithomba.

Ezira 6:15

Nyumba yi vbede gu vbahwa khu litshigu nya wuraru, khu ngima nya Adhari khu mwaga nya livbandre na moyo, nya gufume ga Dhariyo.

Ekisodha 40:33

Khu guhegisa, a di tsitsa libhiyo nya likupakupa li dzuwuluga Wulanga nya Guage ni giluvelo, Mosi a di vbayega mwendra nya makhuvi nya gusege mwanya nya likupakupa, a vbedzisa kharati thumo waye watshavbo.

Zakariya 4:9

“Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.