1 Dzipfhumu 7:29 - Bhibhiliya Nya Guage

²⁹ Mudzibambe gu diri ni sifananiso nya dzinghala, dzimombe ni dzikerubhimi, khu vbatshani ni vbavbatshi nya dzinghala ni dzimombe, gu di hungeledwa simburiselo ni senge si nga gira dengele dengele.

1 Dzipfhumu 7:29 Iomraidhean Croise

Genesi 3:24

Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.

1 Dzipfhumu 6:27

A di vega dzikerubhimi dzedzi khu vbakari nya nyumba ya ndrani, dzikerubhimi dzi di thawuludza dzimbapi dzawe; limbapi nya likerubhimi li di ghuma ndzari, ni limbapi nya limbe li di ghuma yimbe ndzari, gasi aya mambe mambapi yawe ma di tshangana vbakari nya nyumba.

1 Dzipfhumu 7:25

Yiphwa yi di handzegidwe avbo nya likhumi na dzimbili dzimombe nya gubethwe khu sugu; dzimombe dzitharu dzi di khedza Wuronga, dzitharu dzi khedza Muhwadambo, dzitharu dzi khedza Marandzi, dzitharu dzi khedza Khugadambo, yiphwa yi diri vbatshani nya idzo, dzi tshangana vbakari khu migila.

1 Dzipfhumu 7:28

Sirandro si di khade, kharati: Si di tshavedwe gwadi khu tshizelo siri ni kwenga matshanganoni.

1 Dzipfhumu 7:30

Girandro ni girandro, gi diri ni marodha mana nya sugu, ni naneko nya gutshanganise marodha nya sugu wu ma gimbidzisa. Mawundru ya mana ma diri ni sitiyiso nya gupfhudwe si hakhedzelago mbiya, sitiyiso a diri sa gikete nya gunyiviligiswe, khu wubambe nya gimwegyo ni gimwegyo, gu diri ni senge.

Ekisodha 25:18

Khavbo avbo, u na gira dzikerubhimi dzimbili khu ndralama nya gupfhudwe nyamba yingwa, dzi wonega mahegiso nya gikhalo nya ditshedzo khu maphuvbo ya mavili.

Ekisodha 37:7

Giride gambe dzikerubhimi dzimbili nya gupfhudwe khu ndralama a dzi emisa khu mahegiso nya gikhalo nya ditshedzo, khu phuvbo ga eno ni phuvbo ga eyi.

Ezekiyeli 1:10

Gasi khu makhalelo nya dzikhovbe dzawe, sa sina, dzi di gu fanana ni khovbe nya muthu, khu mbeli; khu phuvbo ga nyamudye, satshavbo sa sina si diri ni khovbe nya nghala, khu phuvbo ga nyambade si diri ni khovbe nya mombe, satshavbo sa sina, si diri gambe ni khovbe nya lighama khu hwane.

Ezekiyeli 10:14

Likherubhimi limwedo ni limwedo li diri ni dzikhovbe dzina; khovbe nya likerubhimi nya guhegule a diri ya likherubhimi; khovbe nya wuvili yi di gu fanana ni khovbe nya muthu; nya wuraru yi di gu fanana ni khovbe nya nghala; nya wu na yi di gu fanana ni khovbe nya lighama.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Vahebheru 9:5

Khu vbatshani nya ngasa gu di vegidwe sifananiso nya dzikerubhimi dzi yeyedzago wudhumo wa Nungungulu ni mambapi yawe ma thawulugedego vbagiluvelotunu nya miphaso nya guhandze sighoho. Aholu khandrigyo egi gikhati nya gusasamedzele gimwegyo khu gimwegyo silo sesi.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

Gutuledwa 5:5

Limwedo nya madhota yale li di nyi degudzela, khilo: “U nga lili; kholu Nghala nya lihundzu la Judha a gu Melego wa Dhavhidhe, yi pade, yi ngu kodza gu tula libhuku ni gu namula sifungo saye satshavbo nya livbandre na sivili.”