1 Dzipfhumu 7:27 - Bhibhiliya Nya Guage

²⁷ A di gira gambe likhumi sirandro nya sugu. Girandro ni girandro gi diri ni pimo nya mikono mina gulapha, guanama gwaye, gu diri ni mikono miraru gumogo ni gukhugega.

1 Dzipfhumu 7:27 Iomraidhean Croise

1 Dzipfhumu 7:26

Gudhimba nya yiphwa yi di ningana nyala dzina, bambe gwaye gu di fanana ni khokho, kha nga senge nya likhonwa, gu di gu kodzega gubela magumana magumi mazana (40.000) miphata.

1 Dzipfhumu 7:28

Sirandro si di khade, kharati: Si di tshavedwe gwadi khu tshizelo siri ni kwenga matshanganoni.

1 Dzipfhumu 7:38

A di gira gambe likhumi sinamelo nya sugu; ginameloni gu di bela magumana miphatha; ginamelo ni ginamelo, gi diri ni pimo nya mikono mivili, gi handzegwa vbatshani nya girandro, nya esi nya likhumi sirandro.

2 Dzipfhumu 16:17

Mufumeli Akazi a di sigulela siseketelo nya sugu, a dusela ni sinamelo si nga bani siri vbatshani nya siseketelo, a reledza gambe ginamelo nya gikhongolo nya mufananiso nya yiphwa nya sugu, gi nga bani giri khu vbatshani nya dzimombe nya sugu, a gi vega vbawuhandzatunu nya siwindri.

2 Dzipfhumu 25:13

Vakalidhiya, va di pandrelela madingo yatshavbo nya sugu ma nga bani ma romo Nyumbani gwa Pfhumu Nungungulu, gumogo gambe ni sirandro nya yiphwa nya sugu, si nga bani si romo Nyumbani gwa Pfhumu Nungungulu; sugu wakone va wu dzega va hongola nawo Bhabhiloni.

2 Dzipfhumu 25:16

Madingo ya mavili, yiphwa ni sirandro, esi si nga girwago khu Solomoni a si vega Nyumbani ga Nungungulu, sugu wakone wu diri wungi nyamba tidwa tengo waye.

2 Dzikoronika 4:14

A di gira gambe sirandro a vega sinamelo vbatshani gakone,

Jeremiya 27:19

Kholu Pfhumu Nungungulu nya Tshivba Yatshavbo a ngu ganela khu mahungu nya madingo, ni mbiya nya yikhongolo nya sugu, ni mawundru nya giluvelo gumogo ni simbe sombo si tshadego dhoropani,

Jeremiya 52:17

Vakalidhiya va di kokelela madingo nya sugu nya giluvelo, ma khala khu sipandre, ma nga bani ma emisidwe Nyumbani gwa Pfhumu Nungungulu, sirandro ni yiphwa nya sugu; va dzega sugu watshavbo va wu yisa Bhabhiloni.

Jeremiya 52:20

Aholu madingo ya mavili ni ginamelo nya gikhongolo ni likhumi na dzimbili dzimombe nya sugu dzi nga bani dziri vbavbatshi nya ginamelo si nga rumedwago gu girwa khu Solomoni gasi si khala Nyumbani ga Pfhumu Nungungulu, sombo satshavbo sesi nya sugu si diri tengo nyamba saywa kholu kha wa nga pimwa vbagikalotunu.