1 Dzipfhumu 7:26 - Bhibhiliya Nya Guage

²⁶ Gudhimba nya yiphwa yi di ningana nyala dzina, bambe gwaye gu di fanana ni khokho, kha nga senge nya likhonwa, gu di gu kodzega gubela magumana magumi mazana (40.000) miphata.

1 Dzipfhumu 7:26 Iomraidhean Croise

1 Dzipfhumu 6:18

Mapulangu nya sedhari ma nga bani mari khu ndrani nya nyumba, ma di vatidwe gu fanana ni dzibutawu nya senge si hegago, gu di enedzwa ndrani gwatshavbo khu mapulango nya sedhari nyamba wonega ni giwindri gimwegyo basi.

1 Dzipfhumu 6:32

Malimba yakone nayo ma diri ya mapulango nya miolivha, a ma tshavela sifananiso nya dzikerubhimi, migindru, senge nya guhege, a londra satshavbo khu ndralama, a ladza gambe ndralama umo nya dzikerubhimi ni umo nya migindru.

1 Dzipfhumu 6:35

A di rumela gutshavedwa dzikerubhimi, migindru ni senge nya guhege, a si londra khu ndralama yi namarela umo gu tshavedwego.

1 Dzipfhumu 7:19

Mihungo yi nga bani yiri vbavbatshi nya madingo ya makupakupani, yi di gu fanana ni senge, yi khusega vbatshani gipimo nya ndronga mbili.

1 Dzipfhumu 7:25

Yiphwa yi di handzegidwe avbo nya likhumi na dzimbili dzimombe nya gubethwe khu sugu; dzimombe dzitharu dzi di khedza Wuronga, dzitharu dzi khedza Muhwadambo, dzitharu dzi khedza Marandzi, dzitharu dzi khedza Khugadambo, yiphwa yi diri vbatshani nya idzo, dzi tshangana vbakari khu migila.

1 Dzipfhumu 7:27

A di gira gambe likhumi sirandro nya sugu. Girandro ni girandro gi diri ni pimo nya mikono mina gulapha, guanama gwaye, gu diri ni mikono miraru gumogo ni gukhugega.

1 Dzipfhumu 7:38

A di gira gambe likhumi sinamelo nya sugu; ginameloni gu di bela magumana miphatha; ginamelo ni ginamelo, gi diri ni pimo nya mikono mivili, gi handzegwa vbatshani nya girandro, nya esi nya likhumi sirandro.

2 Dzikoronika 4:5

Wuziva waye wu di fanana ni gyandza nya muthu; ni likana laye li di fanana ni khokho yi mburisedwego kha nga genge nya likhomwa, ndrani gwaye gu diya magumararu magumi mazana (30.000) miphongolo.

Ekisodha 25:25

U na yi tiyisa khu lipulango nya tanga nya gyandza gugula li dzuwuluga meza yatshavbo, u gira gambe libhandri nya ndralama u li fumbela khilo.

Jeremiya 52:21

Madingo, limwedo ni limwedo li diri ni pimo nya likhumi na livbandre na miraru mikono gulapha, guanama gwaye gu di vbwetega ngodzi nya gulaphe likhumi na mavili mikono gasi li dzuwuluge gugula gwaye yi diri tanga nya nyala dzina, ndrani gwaye gi diri liphanga.

Ezekiyeli 45:11

Efa ni kanvu si na khale na siri nya pimo moyo, esi si gu khiso: Deva wu na manege ni pimo nya gipandre nya likhumi nya homeri, ni efa nuwo gipandre nya likhumi nya homeri; gukhedza khu homeri a nga bani ari uwo pimo waye.

Ezekiyeli 45:14

Ningelo nya mafura mu na pima gipandre nya likhumi nya kanvu wu ranwago Kore nya guduge khuno nya homeri, kholu likhumi mikanvu ya gu enedza homeri.