1 Dzipfhumu 7:15 - Bhibhiliya Nya Guage

¹⁵ A di gira madingo mavili nya sugu nya gupfhudwe; ya mavili ma diri ni pimo moyo, likhumi na livbandre na miraru (18) mikono gukhugega, gugula ma di dzongeledzedwa khu sifi nya likhumi na mivili (12) mikono.

1 Dzipfhumu 7:15 Iomraidhean Croise

1 Dzipfhumu 7:16

A di nyegisa mihungo mivili nya sugu a yi handzega vbatshani nya madingo, gukhugega nya hungo ni hungo, a diri ni pimo nya livbandre mikono.

1 Dzipfhumu 7:21

Khu hwane, a di emisa madingo ya mavili nyangwani nya Nyumba ya Nungungulu. Lidingo la phuvbo ga nyamudye, a di li rana khuye Jakimi, la nyambade a li rana khuye Bhowazi.

1 Dzipfhumu 7:41

Madingo ya mavili ni mihungo ya mivili nya sirendzelekwane, si di khala khu vbatshani nya madingo, ni siniya sivili, gasi gu fenengedza mihungo yi nga bani yi romo vbamadingotunu.

2 Dzipfhumu 25:13

Vakalidhiya, va di pandrelela madingo yatshavbo nya sugu ma nga bani ma romo Nyumbani gwa Pfhumu Nungungulu, gumogo gambe ni sirandro nya yiphwa nya sugu, si nga bani si romo Nyumbani gwa Pfhumu Nungungulu; sugu wakone va wu dzega va hongola nawo Bhabhiloni.

1 Dzikoronika 18:8

Dhavhidhe a di wandra gambe sombo nya singi nya sugu sa tigoni ga Tibhati ni Kumi, madhoropa ya Hadhadhezeri. Khu sugu yoyo khuwo Solomoni a giridego khuwo Yiphwa nya sugu, madingo ni simbe sombo nya sugu.

Jeremiya 27:19

Kholu Pfhumu Nungungulu nya Tshivba Yatshavbo a ngu ganela khu mahungu nya madingo, ni mbiya nya yikhongolo nya sugu, ni mawundru nya giluvelo gumogo ni simbe sombo si tshadego dhoropani,

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Jeremiya 52:17

Vakalidhiya va di kokelela madingo nya sugu nya giluvelo, ma khala khu sipandre, ma nga bani ma emisidwe Nyumbani gwa Pfhumu Nungungulu, sirandro ni yiphwa nya sugu; va dzega sugu watshavbo va wu yisa Bhabhiloni.

Jeremiya 52:21

Madingo, limwedo ni limwedo li diri ni pimo nya likhumi na livbandre na miraru mikono gulapha, guanama gwaye gu di vbwetega ngodzi nya gulaphe likhumi na mavili mikono gasi li dzuwuluge gugula gwaye yi diri tanga nya nyala dzina, ndrani gwaye gi diri liphanga.

Ezekiyeli 40:49

Gulapha nya likupakupa gu diri magumavili mikono; guanama, gu diri likhumi na moyo mikono; gu di gu gwedwa khu sigandro kala mwanyatunu. Gu diri ni madingo; limwedo khu phuvbo ga eno ni eno.