1 Dzipfhumu 7:12 - Bhibhiliya Nya Guage

¹² Ndzari yi nga bani yi bhiya likupakupa nya likhongolo yi diri ni ndzarara tharu nya siwindri nya guvatwe, ni ndzarara mweyo nya mithimba nya sedhari; likupakupa la ndrani nya Nyumba ya Pfhumu Nungungulu gumogo ni mwanya wakone si di vbahidwe idzosaye.

1 Dzipfhumu 7:12 Iomraidhean Croise

1 Dzipfhumu 6:3

Gulapha nya likupakupa la nyangwatunu ya mbeli nya Nyumba ya Nungungulu, li diri ni magumavili (20) mikono, gulandra guanama nya Nyumba ya Nungungulu, gasi guanama gwaye, li diri ni likhumi (10) mikono, khu mbeli nya gulaphe nya nyumba.

1 Dzipfhumu 6:36

A di vbaha gambe likupakupa la ndrani nya nyumba, nya ndzarara tharu nya siwindri nya gukhakhatwe ni yimbe ndzarara nya mithimba nya sedhari.

1 Dzipfhumu 7:11

Khu vbatshani gu di vegwa siwindri nya wumburi ngudzu, nya gupidwe khu gupimwa gwadi, gumogo ni mapulango nya sedhari.

1 Dzipfhumu 7:6

A di gira likupakupa khu madingo nya livbandre magumi (50) mikono gulapha, ni magumararu (30) mikono guanama. Khu mbeli ga eli, li diromo limbe likupakupa nya madingo ni sigandro.

2 Dzipfhumu 21:5

A di vbahela gambe siluvelo nya sivangwa satshavbo sa ndzadzini ni umo nya makupakupa ya mavili ya Pfhumu Nungungulu.

2 Dzikoronika 4:9

A di gira gambe likupakupa nya vaphasi nya mhamba ni likupakupa nya likhongolo, gumogo ni malimba yakone a ma londra khu sugu.

Johane 10:23

Jesu a di gu gimbilagimbila Nyumbani ya Nungungulu, wulangani wu ranwago pwani Nyangwa ya Solomoni.

Mithumo 3:11

Mwama wule a di namarela Pedro ni Johane, vatshavbo va di liwuga va ta va randrela avba va nga bani va romo, nyangwatunu yi ranwago pwani khya Solomoni.

Mithumo 5:12

Siwonegiso ni siliwugiso nya singi si di girwa vbakari nya vathu khu mandza nya vapostoli. Va di gu olovela gutshangana vatshavbo khu monyo moyo vbanyangwatunu ya Solomoni.