1 Dzipfhumu 6:32 - Bhibhiliya Nya Guage

³² Malimba yakone nayo ma diri ya mapulango nya miolivha, a ma tshavela sifananiso nya dzikerubhimi, migindru, senge nya guhege, a londra satshavbo khu ndralama, a ladza gambe ndralama umo nya dzikerubhimi ni umo nya migindru.

1 Dzipfhumu 6:32 Iomraidhean Croise

1 Dzipfhumu 6:18

Mapulangu nya sedhari ma nga bani mari khu ndrani nya nyumba, ma di vatidwe gu fanana ni dzibutawu nya senge si hegago, gu di enedzwa ndrani gwatshavbo khu mapulango nya sedhari nyamba wonega ni giwindri gimwegyo basi.

1 Dzipfhumu 6:23

Makhuvini nya Guage, a di gira dzikerubhimi dzimbili khu mapulango nya olivha, limbe ni limbe na liri ni likhumi mikono gukhugega.

1 Dzipfhumu 6:29

Bambe gwatshavbo nya ndzari nya nyumba, umo nya mapulango, gu di tshavedwa sifananiso nya dzikerubhimi, migindru ni senge si rumbugago.

1 Dzipfhumu 6:31

Mwanya nya Wulanga nya Guage, a di vega malimba nya guvatwe khu mapulango nya miolivha, madingo ni guvbingama gwaye ma di enedza gipandre nya livbandre nya ndzari.

1 Dzipfhumu 6:33

A di gira idzosaye mwanya nya Nyumba ya Nungungulu, a vega malimba nya mapulango nya miolivha, ma dzega gipandre nya wu na nya ndzari.

2 Dzikoronika 4:22

kha nga gambe dzigarifi, sinamelo, simbiyana ni sivbiselo nya libani, si diri sa ndralama nya guhutwe. Malimba ya ndrani ya nyumbani ga Nungungulu, ni malimba nya Wulanga nya Guage Ngudzu, yatshavbo ma giridwe nayo khu ndralama nya guhutwe.

Ezekiyeli 40:16

Makupakupa ni dzindzarini, gu diri ni sihogwana nya gusege nya gugirwe khu simbi vbatshani nya madingo yawe, idzosaye gambe ni malimba; sihogwana si di dzundrulugide khu phuvbo ga ndrani, madingoni gu di mburisedwe khu migindru.

Ezekiyeli 41:18

gu di girwa khu dzikerubhimi ni migindru; ngindru ni ngindru wu diromo khu vbakari nya likerubhimi ni likerubhimi, likerubhimi ni likerubhimi li diri ni dzikhovbe dzimbili,