1 Dzipfhumu 6:19 - Bhibhiliya Nya Guage

¹⁹ Wulangani nya gusihalege wa ndrani nya Nyumba, a di dongisela wulanga nya guvege umo Ngasa nya Gidzumeledzwano gya Pfhumu Nungungulu.

1 Dzipfhumu 6:19 Iomraidhean Croise

1 Dzipfhumu 6:16

A di kasa gipandre nya magumavili mikono gukhugela mahegiso nya nyumba, a gu alela mapulango nya sedhari gukhugela vbatshani kala vbavbatshi. Gasi gu dongisela makhuvi ya ndrani nya nyumba gu khala wulanga wu agidego, wulanga Nya Guage Ngudzu.

1 Dzipfhumu 6:18

Mapulangu nya sedhari ma nga bani mari khu ndrani nya nyumba, ma di vatidwe gu fanana ni dzibutawu nya senge si hegago, gu di enedzwa ndrani gwatshavbo khu mapulango nya sedhari nyamba wonega ni giwindri gimwegyo basi.

1 Dzipfhumu 6:20

Wulanga nya Guage wa ndrani wu diri ni magumavili mikono gulapha, guanama magumavili mikono, gukhugega gambe magumavili mikono, a wu londra khu ndralama nya guhutwe, giluvelo nigyo a gi pfhulela khu mapulango nya sedhari.

1 Dzipfhumu 6:5

Khu wubambe nya dzindzari a di vbaha sitezi si dzundrulugela ndzari nya Nyumba ya Nungungulu, ni Wulanga nya Guage, a di gira dzinyumba dzi dzundrulugela nyumba yatshavbo.

2 Dzikoronika 4:20

dzikandriya ni myenge yaye nya ndralama nya guhutwe gasi dzi khondriswa kha nga giolovedzo, vbawulangatunu nya Guage Ngudzu.

2 Dzikoronika 5:7

Vaphasi nya mhamba, va di ya vega Ngasa nya gidzumeledzwano gya Pfhumu Nungungulu wulangani waye; wulanga nya Guage Ngudzu wa ndrani nya Nyumba ya Nungungulu, Wulanga wu Vbindrisidego Guaga, vbavbatshi nya mambapi nya dzikerubhimi.

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.