1 Dzipfhumu 6:15 - Bhibhiliya Nya Guage

¹⁵ A di alela ndzari ya ndrani nya nyumba, khu mapulango nya sedhari; gukhugela vbatshani kala vbavbatshi, a di alela ndrani gwatshavbo khu mapulango nya sedhari, vbavbatshi a di ladza mapulango nya kipirisi.

1 Dzipfhumu 6:15 Iomraidhean Croise

2 Samuweli 6:5

Dhavhidhe gumogo ni vatshavbo va na Israyeli, va di nengela mbeli ga Pfhumu Nungungulu, khu mafumbu yatshavbo nya siwombawomba nya dzingoma, nya gugirwe khu misimbo nya safira, mitandrandra, sitendre, singomana, sitshatsharo nya dzisimbi, dzitsholi ni sitoliyo.

1 Dzipfhumu 7:7

A di gira gambe nyumba nya phatha nya wufumu, avbo a nga bani na gulamulela avbo mahungu, wulanga wowo, wu di aledwe khu mapulango nya sedhari gukhugela vbavbatshi kala vbatshani.

Gizimba 8:9

Naripwani uye a diri ndzari hi di hadza guvbaha vbatshani gwaye likhokhola nya parata; a gu bani ari mwanya hi na wu sega khu mapulangu nya sedhari.

Ezekiyeli 41:16

Sihogo nya sidimbana nyamba tudwa, si diromo khu vbakari nya malanga ya mararu, satshavbo si nga bani na siri khu phuvbo ga vbavbandze, gupata ni kiya yaye, si di bhiyidwe khu mapulango, gu di bhiyidwe gambe vbavbatshi, ndzarini kala pimo nya sihogo; sihogwana sakone si di fenengedzidwe.