1 Dzipfhumu 4:34 - Bhibhiliya Nya Guage

³⁴ Va dita vathu nya mayigo yatshavbo gasi gutapwa guti gwa Solomoni; gu dita gambe ni vafumeli nya mayigo yatshavbo ya mafuni va ngapwago ndruma nya guti gwaye.

1 Dzipfhumu 4:34 Iomraidhean Croise

1 Dzipfhumu 10:1

Pfhumugadzi ya Sabha na yi pwide ndruma ya Solomoni khu mahungu nya wudhumo a wu manidego khu gu rungudza lina la Pfhumu Nungungulu, a dita mu linga khu siwudziso nya gulemele.

1 Dzipfhumu 4:33

A di ganela khu misimbo gukhugela eyi nya yikhongolo nya misedhari ya Libhanoni, ni isope yi bugago dzindzarini; ganede gambe khu sirengo, sinyoni, niso nya gukhwirire khu lididi, ni dzindzandzi.

2 Dzikoronika 9:1

Na yi pwide ndruma ya Solomoni, pfhumugadzi ya Sabha, yi dita Jerusalema yita mu linga khu siwudziso nya gulemele, na yi gu vbwelegedzwa khu vathu nya gutale, ni dzingameriya dzi rwadego mafura nya gunungele, ndralama nya gutale ni siwindri nya gukhedzige nya lisima, yi ta naso ga Solomoni ta mu embeledzela satshavbo yi nga bani yiri naso monyoni gwaye.

2 Dzikoronika 9:23

Vatshavbo vafumeli va tigoni, va di gola gu wona khovbe ya Solomoni, ni gupwa guti a ningidwego khu Nungungulu monyoni gwaye.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”