1 Dzipfhumu 4:33 - Bhibhiliya Nya Guage

³³ A di ganela khu misimbo gukhugela eyi nya yikhongolo nya misedhari ya Libhanoni, ni isope yi bugago dzindzarini; ganede gambe khu sirengo, sinyoni, niso nya gukhwirire khu lididi, ni dzindzandzi.

1 Dzipfhumu 4:33 Iomraidhean Croise

Dzindzimo 92:12

Va nya gululama va na buga kha nga ngindru, va dandra nga misimbo nya sedhari ya Libhanoni.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

2 Dzipfhumu 19:23

Khu magana nya myango yago u tsorodzede Pfhumu Nungungulu, u ganela, khuwe: Ni gutala nya dzikareta dzangu, nyi ngu gwela dzitshokhani nya sigomo, vbatshani nya dzitshokha nya sigomo sa Libhanoni, nyi ya pila misimbo yaye nya gulaphe nya sedhari, ni migure yaye nya wumburi, ni mahegiso nya malanga yaye, nyi bela kala mahegiso nya sihuru sa Thembweni gwaye nya wumburi.

Vahebheru 9:19

Guhegula, Mosi a di tivisa ga vathu vatshavbo sileletelo satshavbo nya Nayo. Khu gu handzamedza, a di dzega novba nya dzikuzi ni dziphongo a wu pata ni mati a mitegedzela libhuku nya Nayo ni vathu vatshavbo, khu mawoya nya guthedwe nyewu nya gufuvile, ni sasi,

Mitengo 24:6

Ya gu anama kha nga mikova, kha nga lithembwe nya senge vbafuvbi ni tsongo! Pfhumu Nungungulu a si yade kha nga misimbo nya gihengebulo, kha nga sedhari vbafuvbi ni mati nya gutale!

Mitengo 19:18

Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo.

Ekisodha 12:22

Mu na dzegani litamo nya hisope, mu li nega novbani wu na bani wu thedwe gyomboni, khu novba wa gyomboni, mu na todzani mihasimo ya mivili ya vbamwanyatunu nya nyumba; ni moyo wanu a nga dugi khu nyumbani kala gugya.

Levhi 14:51

a na dzega simbo nya sedhari, ni hisopo, ni mwendra nya gufuvile ni ginyoni gi nga gu vbanyago a si nega satshavbo novbani nya ginyoni gi payidwego ni matini nya guage, a mitegedzela nyumba livbandre na guvili.

1 Dzipfhumu 4:32

Lovide magumararu mazana (3.000) mavingu, ni likhumi mazana ni livbandre dzindzimo (1.005) nya sizimba ni sithokhozelo.

1 Dzipfhumu 4:34

Va dita vathu nya mayigo yatshavbo gasi gutapwa guti gwa Solomoni; gu dita gambe ni vafumeli nya mayigo yatshavbo ya mafuni va ngapwago ndruma nya guti gwaye.

Gizimba 4:8

Delu hi hongole hatshavbo Libhanoni, uwe ngadzangu, relela khu vbatshani nya gigomo gya Amana, khu tshokhatunu nya gikoli gya Seniri ni Herimoni, khu mavbalani nya dzinghala, ni sigomoni nya dziyingwe.

Gizimba 5:15

Mawundru yaye madingo nya siwindri nya guage na si tshomegedzedwe vbasirandrotunu nya ndralama yi hutidwego yi fanana ni gigomo gya Libhanoni nya wumburi nya gufanane ni sedhari.