1 Dzipfhumu 4:31 - Bhibhiliya Nya Guage

³¹ Uye a diri muthu nya guti ngudzu guvbindra vathu vatshavbo nya guti, a di gengede guvbindra Etani, Muezari; ni Hemani, ni Kalikoli, ni Dharidha, sanana sa Maholi; lina laye li di pwala ndruma ga mayigo yatshavbo nya vaakelane.

1 Dzipfhumu 4:31 Iomraidhean Croise

1 Dzipfhumu 10:1

Pfhumugadzi ya Sabha na yi pwide ndruma ya Solomoni khu mahungu nya wudhumo a wu manidego khu gu rungudza lina la Pfhumu Nungungulu, a dita mu linga khu siwudziso nya gulemele.

1 Dzipfhumu 10:6

A di embela mufumeli Solomoni, khuye: “Mahungu nyi ma pwidego na nyiri tigoni gwangu, va nga bani va gu ganela khu guti ni wugengeli wago, lisine kamwe.

1 Dzipfhumu 3:12

Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzipfhumu 5:7

Avbo Hiramo, a nga pwago mahungu yaya ya Solomoni, a di tala khu gutsaka ngudzu, a ganela, khuye: “A na rungudzwe Pfhumu Nungungulu, a ningidego Dhavhidhe gyanana nya gutale khu mapimo gasi gu fumela vathu vava nya gutale ngudzu!”

1 Dzikoronika 15:17

Khu guralo, va na Levhi va di emisa Hemani, mwamana wa Joyele, ni vbakari ga vandriyaye, Asafi, mwamana wa Bherekiya, ni ga va na Merari, gu hathwa va na gyawe, Etani, mwamana wa Khusaya,

1 Dzikoronika 15:19

Hemani, Asafi ni Etani, va di embelela na va gu womba siphaphato nya sugu.

1 Dzikoronika 2:6

Sanana sa Zera khesi: Ziniri, Etani, Hemani, Kalikoli ni Dhara; satshavbo si diri livbandre.

1 Dzikoronika 6:33

Vandriyaye va na Levhi, va di vegwa gu gira thumo watshavbo wa Nyumbani gwa Pfhumu Nungungulu.

2 Dzikoronika 9:23

Vatshavbo vafumeli va tigoni, va di gola gu wona khovbe ya Solomoni, ni gupwa guti a ningidwego khu Nungungulu monyoni gwaye.

Dzindzimo 88:1

Pfhumu Nungungulu ni muvbanyisi wangu, wutshigu ni mihani nyi ngu lila avbo gwago.

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Luka 11:31

Litshigu nya gulamudwe, pfhumugadzi ya Marandzi yi na wugela mela yoyu yi wu ninga nandru, kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Vakolosi 2:3

wu sihidwego gwaye wufumu watshavbo nya dzithomba nya guti ni gupima.