1 Dzipfhumu 4:29 - Bhibhiliya Nya Guage

²⁹ Nungungulu a di ninga Solomoni guti ni mapimo nya gusamadzise ngudzu ni wugengeli nya guete ngudzu nya nga fungu wa phwani.

1 Dzipfhumu 4:29 Iomraidhean Croise

Genesi 41:49

Josefa a di wungedzela tirigu yi tala kha nga mafu nya fungo wa Phwani, khu tengo nya wungi ngudzu va nga padwago ni gu wu pima, kholu wu di vbindra pimo.

1 Dzipfhumu 3:12

Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

Dzindzimo 119:32

Nyi na dzi garadza khu gu landra ndzila nya milayo yago, kholu yi ngu tadza khu gunengela. He

Dzindzimo 119:34

Nyi ninge mapimo, gasi nyi vegisa gwadi nayo wago, nyi na wu landrisa khu monyo wangu watshavbo.

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Muhevbudzi 1:16

Nyi di alakanya khu monyoni gwangu, kheni: Nyi dzi girede wugengeli nya wukhongolo guvbindra vatshavbo va fumidego omu Jerusalema nyi si gu vbohi eni. Nyi hevbude ngudzu nyi mana mano ni wugengeli.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Isaya 60:5

Avbo u na si wonago u na nengela, monyo wago wu na ghavata khu gunengela, kholu va na resa gwago dzithomba dza sidwani, u na resedwa ni dzithomba nya mayigo.

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Habhakuka 1:9

Vatshavbo va guta na va dongide guta tshanisa vathu, dzikhovbe dzawe dza gu thonona Khugadambo, va nata wungedzela dzikhumbi nya dzingi kha nga fungu wa phwani.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Valamuli 7:12

Vamedhiyani, Vaamaleki gumogo ni vatshavbo va Khugadambo, va di mbambamede kovani nga mbasa nya gutale; ni dzingameriya dzawe dzi diri dzingi nga fungu wa phwani, nyamba kodza gu sayedwa khu muthu.