1 Dzipfhumu 4:26 - Bhibhiliya Nya Guage

²⁶ Solomoni a diri gambe ni magumana magumi mazana (40.000) mipatwa nya dzikavalu nya gundrindre dzikareta dzaye, ni likhumi na mavili magumi mazana (12.000) edzi nya gu khiledwe.

1 Dzipfhumu 4:26 Iomraidhean Croise

2 Samuweli 8:4

Dhavhidhe a di mu wandrela likhumi na livbandre na mavili mazana (1.700) vakhileli nya dzikavalu, ni magumavili magumi mazana (20.000) vama nya gugimbile khu mawundru, a pila misivba nya dzikavalu dzatshavbo nya gundrindre dzikareta, a tshiya basi nya gudingane lizana (100) nya idzo.

1 Dzipfhumu 4:27

Dzindruna dzi di resa iso si vbwetegago vbamezatunu ga mufumeli Solomoni ni ga vatshavbo avo a nga bani a gu hodza navo; ndruna ni ndruna khu ngima waye, gasi gu si hamugegi gilo.

1 Dzipfhumu 9:19

gumogo gambe ni madhoropa yatshavbo nya guvegedzele umo matshari ma nga bani ma gu lumba Solomoni, madhoropa nya gukhale dzikareta, madhoropa nya vakhileli nya dzikavalu, ni satshavbo iso Solomoni a nga si suva guvbaha Jerusalema, Libhanoni ni tigoni gwatshavbo gu nga bani na gu fumwa khuye.

2 Dzikoronika 1:14

Solomoni a di tshanganisa dzikareta ni vakhileli nya dzikavalu; a diri ni likhumi na mana mazana (1400) dzikareta ni likhumi na mavili mazana (1200) vakhileli nya dzikavalu, a va vega madhoropani nya gege umo dzikareta, vambe a va vega Jerusalema, vbafuvbi gwaye.

2 Dzikoronika 9:25

Solomoni a diri ni magumana mazana (4.000) mipatwa nya dzikavalu ni dzikareta nya nyimbi; ni likhumi na mavili magumi mazana (12.000) vakhileli nya dzikavalu, a va vega dhoropani nya dzikareta, ni Jerusalema vbafuvbi gwaye.

Dzindzimo 20:7

Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Dhewuteronome 17:16

Aholu, mufumeli yoyo kha gu vbwetegi a dzi garadza khu gu mana dzikavalu nya dzingi, gambe kha gu vbwetegi gu a gurumedza vathu gu bwelela gambe tigoni ga Egipito, gasi guya mana dzikavalu nya dzingi; kholu Pfhumu Nungungulu a mi embede, khuye: Gima kha mu na bwelela gambe khu ndzila yeyi.