Biblia Todo Logo
Bìoball air-loidhne

- Sanasan -




1 Dzipfhumu 4:20 - Bhibhiliya Nya Guage

20 Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

Faic an caibideil Dèan lethbhreac




1 Dzipfhumu 4:20
20 Iomraidhean Croise  

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.


Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”


Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.


Khuwe u nga ganelago, khuwe: “Nyi na gu tadza khu makategwa, nyi na gira livelego lago li tala kha nga mafu nya fungu wa phwani, wu tandrwago gu saywa tengo wakone.”


Eni githumi gyago nyi womo vbakari ga vathu vago u va hathidego, vathu nya vangi, nyamba kodza sayedwa ni gu tidwa tengo wawe, khu talo wawe.


Nungungulu a di ninga Solomoni guti ni mapimo nya gusamadzise ngudzu ni wugengeli nya guete ngudzu nya nga fungu wa phwani.


Sithumi sangu si na dzega mapulango si ma reledza gukhugela Libhanoni, si ma vbohisa phwani, khu iyoyo nyi na ma khiledza khu sitataru kala wulanga u na wu vbwetago, va naya ma tshisela iyoyo; u ma hakha avbovbo. Uwe nuwe u na tadzisa gugola gwangu khu guhodzisa ndranga yangu.”


Mu nga mu yingisi Ezekhiya, kholu mufumeli wa Asiriya a ngu ganela, khuye: Girani gurula ni eni; mu dzi ningelani avbo gwangu; khavbo avbo, muthu ni muthu a na hodza mihandro ya thembweni gwaye, ni mihandro nya simbo waye, bwelo khavo a sela mati nya nambo waye.


Tengo watshavbo yoyu nya vama nya nyimbi va di yiswa Hebroni, na va sasamedzedwe khu sikwata nya nyimbi, na va dzi emisede khu monyo wawe watshavbo guya emisa Dhavhidhe gu khala mufumeli wa Israyeli; ni va na Israyeli vatshavbo; ni mitshaledwa yatshavbo ya Israyeli, va di dzi emisede guya pharisa Dhavhidhe ndronga nya wufumu.


Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.


Nasi gu vbedzi gu ganela, gu dita gambe mumbe ata, khuye: “Sanana sago nya sikhwathana niso nya sagadzyana, si diri vbabuzotunu, na va gu hodza ni gu sela wadwa ndrangani ga ndriyawe nya koma,


Wudhumo wa mufumeli khu talo nya vathu, aholu gumbana vathu, gwa gu thesa mufumeli.


Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.


Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”


Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.


Ga litshigu lolo, a ngu ganela Pfhumu Nungungulu nya Tshivba Yatshavbo, moyo ni moyo nya enu a na rana muakelane waye gasi guta khala mutsani nya uvha waye ni mutsani nya nguhu waye.”


Pfhumu Nungungulu nya Tshivba Yatshavbo a na vhikela vathu vaye, a na mbembisa valala vaye, va gandredzela siwindri nya gundziwitedwe; va na sela novba wa valala vawe va gira ligwaha kha nga vathu va levidego khu vbinyu; kha nga novba nya sirengo wu tadzago dzimbiya nya miphaso, va mitegedzela kha nga mati dzikhonani nya giluvelo.


Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.


Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.


Lean sinn:

Sanasan


Sanasan