1 Dzipfhumu 4:11 - Bhibhiliya Nya Guage

¹¹ Bheni-Abhinadhabhi, ndruna ya Dhori, a pharago gipandre gyatshavbo gya manyandza ni bambe nya yiphwa, mwangadzi waye a diri Tafati, nyamahegyane wa Solomoni;

1 Dzipfhumu 4:11 Iomraidhean Croise

1 Dzipfhumu 4:15

Ayimahasi, ndruna yi emisidwego ga gipandre gya Nafitali, oyu nuye a di dzegide Bhasemati, nyamahegyane wa Solomoni;

Josuwa 11:1

Avbo Jabini, mufumeli wa Hazori, a nga pwago mahungu yaya, a di rumela myango ga Jobhabhi, mufumeli wa Madhoni, ni ga mufumeli wa Siniromi, ni ga mufumeli wa Akisafi,

Josuwa 11:2

ni ga vafumeli va sigomoni sa Wuronga, ni va mikovani ga Marandzi ga Kinereti, ni va mapanini ya Dhori, khu Pfoladambo,

Josuwa 12:23

mufumeli wa Dhori wa Nafati-Dhori, moyo; mufumeli wa mayigo ya Giligali, moyo;

Josuwa 17:11

Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Valamuli 1:27

Lihundzu la Manasi kha la tutumisa vavbanyi va madhoropani ya Bheti-Seyani, ambari madhoropa yaye; ambari Tahanaki, ni madhoropa yaye, ambari Dhori, ni madhoropa yaye, ambari vavbanyi va Hibiliyani, ni madhoropa yawe, ambari vavbanyi va Megidhu, aholu Vakhanani va di simama guvbanya madhoropani momo.

1 Samuweli 16:6

Avbo va nga bani na va bela, a di wona Eliyabhi a ganela khu monyoni, khuye: Khu lisine oyu khuye a todzidwego wa Pfhumu Nungungulu.

1 Samuweli 16:8

Khavbo avbo, Jese a di rana Abhinadhabhi, a mu bikela ga Samuweli, a mu embela, khuye: “Oyu nuye kha hathwa khu Pfhumu Nungungulu.”

1 Samuweli 16:9

Khavbo avbo, Jese a di mu yisela Sama, Aholu uye a di khuye: Oyu nuye kha hathwa khu Pfhumu Nungungulu.