1 Dzipfhumu 3:8 - Bhibhiliya Nya Guage

⁸ Eni githumi gyago nyi womo vbakari ga vathu vago u va hathidego, vathu nya vangi, nyamba kodza sayedwa ni gu tidwa tengo wawe, khu talo wawe.

1 Dzipfhumu 3:8 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 15:5

Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

1 Dzikoronika 21:2

Dhavhidhe a di embela Jowabhi ni vathangeli nya vathu, khuye: “Indrani mu ya gira gilovela ga vathu va na Israyeli, gukhugela Bherisebha kala Dhani, mu ta nyi tivisani gasi nyi wuti tengo wakone.”

Dzindzimo 78:71

a nga bani a gu havisa umo dzinvuta, a di mu vega kha nga muhavisi wa Jakobe ni vathu vaye, ni muhavisi wa Israyeli thomba yaye.

Levhi 26:9

Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

1 Samuweli 12:22

Kholu, khu kotani nya lina laye nya likhongolo, Pfhumu Nungungulu, kha na dzudzuga vathu vaye, kholu si nengedziside Pfhumu Nungungulu, gu mi hathani mu khala vathu vaye.