1 Dzipfhumu 3:3 - Bhibhiliya Nya Guage

³ Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

1 Dzipfhumu 3:3 Iomraidhean Croise

1 Dzipfhumu 11:34

Aholu kha nyi na wandra watshavbo mufumo mandzani gwaye, kholu nyi na wu tiyisa mandzani gwaye, matshigu yatshavbo nya guvbanye gwaye, khu kotani ya githumi gyangu Dhavhidhe, oyu nyi mu hathidego, bwelo khavbo a sayisa milayo ni sileletelo sangu.

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 11:6

Khu guralo, Solomoni a di thuma mithumo yi vivbidego mbeli ga Pfhumu Nungungulu, kha nga landra gwadi ndzila ya Pfhumu Nungungulu, kha nga babe waye Dhavhidhe.

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

1 Dzipfhumu 14:8

Eni nyi wandride mufumo nyumbani ga Dhavhidhe, gasi nyi wu ningela ga uwe, aholu uwe khwa gira kha nga githumi gyangu Dhavhidhe, a nga bani na gu yingisa milayo yangu, a landrisa dzindzila dzangu khu monyo waye watshavbo, a gira basi silo nya gululame mahoni gwangu,

1 Dzipfhumu 15:11

Asa thumide mithumo nya gululame mbeli ga Pfhumu Nungungulu, kha nga kokwe waye Dhavhidhe.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 15:3

Abhiya a di gira sighoho satshavbo nya gufanane nesi si ghohidwego khu babe waye, uye nasi gu fumi. Monyo waye kha nga tumbega ga Pfhumu Nungungulu waye, kha nga idzo a nga tumbegago khidzo kokwe waye Dhavhidhe.

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 22:43

Josafati a di landrisa khu lisine esi babe waye Asa, a nga bani na gu gira, gima kha nga hambana naso, a gira ugo gululamidego mahoni ga Pfhumu Nungungulu.

1 Dzipfhumu 22:44

Aholu kha nga khungumula malanga ya musigomoni; kholu, vathu va di bani na va nga gu gira miphaso ni gu vbisa libani musigomoni.

1 Dzipfhumu 3:14

Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

1 Dzipfhumu 8:25

Gasi, olu, Pfhumu Nungungulu wa Israyeli, tadzisa iso u ganedego ga githumi gyago, babe wangu Dhavhidhe, u nga ganelago, khuwe: Gima kha gu na hamugega nyumbani gwago muthu nya livelego lago, a na gu fumelago va na Israyeli khu Lina langu, sanana sago sa gu dzi garadza khu gu landrisa dzindzila dzawe, va gimbila mbeli gwangu kha nga idzo uwe u nga gimbilago khidzo mbeli gwangu.

1 Dzipfhumu 8:61

Myonyo yanu yi na vbelele khu gu tumbega ga Pfhumu Nungungulu wathu, gasi mu kodze gu gimbila khu sileletelo saye, mu sayisa milayo yaye yatshavbo kha nga muhuno.”

1 Dzipfhumu 9:4

Gasi uwe, wa gu gimbila mbeli gwangu kha nga babe wago Dhavhidhe, khu monyo wago watshavbo ni gululama, u gira satshavbo iso nyi gu rumidego, u sayisa sileletelo ni milayo yangu,

2 Dzipfhumu 12:3

Ambari khu kharato, malangani nya sigomo kha nga ma dusa; kholu vathu va di nga gu simama gu ya gira miphaselo ni gu vbisa libani malangani nya gukhugege.

2 Dzipfhumu 12:4

Jowasi a di embela vaphasi nya mhamba, khuye: “Dzitsapawu dzatshavbo nya silo nya guage esi si reswago Nyumbani ga Pfhumu Nungungulu, a gu dzitsapawu nya fanelo ya vathu vatshavbo, dzitsapawu nya dzegiso nya vathu, hwane nya gu bani na holeledwe gwadi ni siningwa si ningedwago Nyumbani ga Pfhumu Nungungulu, khu gugola ga muthu ni muthu.

2 Dzipfhumu 14:3

A di thuma mithumo nya gululame mahoni ga Pfhumu Nungungulu, ambari a nga bani a si vbohi ga babe waye Dhavhidhe, aholu a di thuma kha nga idzo a nga bani a gira babe waye Jowasi.

2 Dzipfhumu 14:4

Ambari khu kharato, malanga nya gukhugege kha ma nga khungumudwa, kholu vathu va di nga gu simama gu gira miphaselo ni gu vbisa mabani malangani nya gukhugege.

2 Dzipfhumu 15:35

Vbavbandze ga malangani nya gukhugege, kha ma nga duswa gilo; kholu vathu va di bani va nga gu gira miphaselo ni gu vbisa libani malangani nya gukhugege, a di gira Mwanya wa Vbatshani nya Nyumba ya Pfhumu Nungungulu.

2 Dzipfhumu 15:4

Vbavbandze ga malangani nya gukhugege kha ma nga duswa; kholu vathu va di bani na va nga gu simama gu gira miphaselo ni gu vbisa libani, malangani nya gukhugege.

2 Dzipfhumu 18:22

Aholu, wa gu nyi embela gukhuwe: Ha gu tumba Pfhumu Nungungulu wathu: Ina khandruye Nungungulu wule a nga khungumuledwa malanga yaye nya gukhugege ni siluvelo saye khu Ezekhiya, a embela Judha ni Jerusalema, khuye: Mu na khozela vbagiluvelotunu vbavba gya Jerusalema, gani?

2 Dzipfhumu 18:4

Uye a di dusa malanga nya gukhugege, a khungumulela sifananiso, a thesa vbavbatshi lidingo nya gifananiso, a tsavingela nyoga nya gifananiso nya sugu yi nga bani yi giridwe khu Mosi; kholu kala litshigu lile va na Israyeli va di bani va nga gu yi vbisela libani, va di gu yi rana khu lina la Newusitani.

2 Dzikoronika 15:17

Aholu malangani nya sigomo, kha ma khungumudwa tigoni ga Israyeli; aholu monyo wa Asa wu di manega na wu gululamide ga matshigu yatshavbo nya guvbanye gwaye.

Dzindzimo 145:20

Pfhumu Nungungulu a ngu vhikela vatshavbo va mu golago: Aholu vatshavbo va nya guvivbedwa khu monyo va na mbembiswa.

Dzindzimo 31:23

Golani Pfhumu Nungungulu, enu mwatshavbo sihathwa saye. Pfhumu Nungungulu a ngu sayisa ava va tumbegidego, aholu a ngu tsayisa khu tshivba va nya matshandza.

Levhi 17:5

Khu kharato, sanana sa Israyeli, si olovedego gu paya sirengo nya miphaso vbavbandze, si fanede gu yisa sirengo sawe ga muphasi nya mhamba a si bikela ga Pfhumu Nungungulu. A na si paya nyangwatunu nya Tshatsha nya Tshangano, a gira ningelo nya phaso nya pwanano nya gurungudze Pfhumu Nungungulu.

Matewu 22:37

Jesu a di mu phindrula, khuye: “ ‘Haladza Pfhumu Nungungulu wago khu monyo wago watshavbo, khu hefemulo wago watshavbo ni mapimo yago yatshavbo.’

Johane 14:15

“Mwa gu nyi gola, mu na vegedza milayo yangu.

Johane 14:21

“Oyu atigo milayo yangu, a gu yi vegedza, khuye a nyi golago. Gasi oyu a nyi golago, a ngu godwa khu Babe wangu, eni nyi na mu gola nyi dzi yeyedza gwaye.”

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

1 Vakorinto 8:3

Aholu, muthu a gu haladza Nungungulu, Nungungulu nuye a na mu muti.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 10:13

u vegisa sirumo sa Pfhumu Nungungulu ni milayo yaye, esi muhuno nyi gu leletelago, gasi u mane makategwa, gani?

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Dhewuteronome 30:16

Kharati nyi ngu gu ruma muhuno gukheni, haladza Pfhumu Nungungulu wago, u gimbila khu dzindzila dzaye, u vegisa milayo yaye, sileletelo saye ni wululamo waye. Kharato, u na andra. Pfhumu Nungungulu wago, a na gu kategisa ga litigo u na ya belago gasi u li fumela.

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Samuweli 9:12

Avo va di va hakha, khavo: Ina kha mu mu woni wule mbeli gwanu; vbiredzani, muhuno dzude dhoropani; kholu a gu litshigu vathu vayago va ya ningela miphaso wulangani nya gigomo.