1 Dzipfhumu 3:28 - Bhibhiliya Nya Guage

²⁸ Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 3:28 Iomraidhean Croise

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

1 Dzipfhumu 3:27

Khavbo avbo, mufumeli a di hakha, khuye: “Ningelani gyanana ga oyu nya guphele, mu nga gi songi, kholu khuye a gu mayi waye.”

1 Dzipfhumu 4:1

Mufumeli Solomoni a di fumela litigo latshavbo la Israyeli.

1 Dzikoronika 29:24

Manganagana yatshavbo, ni vakhongolo gumogo ni sanana satshavbo sa mufumeli Dhavhidhe, va di dzi nogisa ga mufumeli Solomoni.

Ezira 7:25

Uwe Ezira, khu wugengeli wa Nungungulu wago u gu nawo, emisa vakhedziseli ni valamuli va kodza gu lamula vathu vatshavbo va guromo khisikheyi nya tsongo, u emisa vathu va mitigo milayo ya Nungungulu wago; avo va si mitigo mu va hevbudza.

Dzindzimo 72:2

Gasi a lamula vathu vago khu lisine, ni gu sayisa sisiwana sago khu gululama.

Dzindzimo 72:4

Mufumeli a na lamule sisiwana khu gululama, a phasa sisiwana a gandredzela vatshanisi.

Ekisodha 14:31

Israyeli wonide gambe tshivba nya yikhongolo yi nga girwago khu Pfhumu Nungungulu gasi gupala Vagipiti. Vathu va di thava Pfhumu Nungungulu va khodwa gwaye ni ga githumi gyaye Mosi.

Mavingu 16:10

Khu kanani ga mufumeli gwa gu duga magana nya tshivba, aholu a gu lamula a nga hosisi likana laye.

Mavingu 24:21

Mwanangu, thava Pfhumu Nungungulu, gumogo ni mufumeli, u nga dzi tshanganisi ni vale va golago pfilupfilu.

Mavingu 25:2

Wudhumo wa Nungungulu khu gu siha silo nya gukari, aholu wudhumo wa vafumeli, khu gu zama gu tugula misiholo.

Mavingu 8:15

Vafumeli va gufuma khu tshivba yangu, ni manganagana ma gu leletela gululama.

Muhevbudzi 7:19

Wugengeli wu ngu ninga muthu nya guti tshivba nya yingi nya guvbindre likhumi vathangeli nya sikwata nya nyimbi va dhoropani.

Isaya 28:6

A na khala liphuvbo nya gululame ga vale va khalago miphathani gasi gu lamula mahungu, ni tshivba ga vale va gu na ni wundrena nya gu tutumise valala kala dzinyangwani gwawe.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

1 Vakorinto 1:24

Aholu, vale a va ranidego, gani Vajudha gani va nya mayigo, va gu ma wona kha nga tshivba ni guti gwa Nungungulu.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

Vakolosi 2:3

wu sihidwego gwaye wufumu watshavbo nya dzithomba nya guti ni gupima.

Josuwa 4:14

Khu litshigu lile kamwe, Pfhumu Nungungulu a di khusedza Josuwa mbeli ga va na Israyeli vatshavbo, ni vatshavbo va di mu ninga githawo kha nga idzo va nga bani va ninga khidzo Mosi na nga gu vbanya.

1 Samuweli 12:18

Khavbo avbo, Samuweli a di lombelela ga Pfhumu Nungungulu, ni Pfhumu Nungungulu litshigu lile a di resa ndzadzi ni mabara; avbo vathu vatshavbo va nga ninga githawo nya gikhongolo ga Pfhumu Nungungulu ni ga Samuweli