1 Dzipfhumu 3:21 - Bhibhiliya Nya Guage

²¹ Avbo nyi nga wugago ni dzimindru gasi gu mamisa gyanana gyangu, nyi di gi mana na gi fude; na gugide nyi di gi khedzisa gwadi, nyi wona gukheni khandrigyo gyanana gyangu.

1 Dzipfhumu 3:21 Iomraidhean Croise

Genesi 21:7

A di ganela gambe, khuye: “Khu mani alakanya gukhuye Abrahama a na tshuka a embedwa gupwani Sara a na mamisa sanana! Kholu nyi mu velegede gyanana muwukhosaneni gwaye.”

1 Dzipfhumu 3:20

A di wuga ni vbakari nya wutshigu eni githumi gyago na nyi lade, a ta dusa gyanana gyangu gi nga bani giri wubambe gwangu, aya lala nagyo, a dzega egi gyaye nya gufe ata gi ladzisa avbo gwangu.

1 Dzipfhumu 3:22

Oyu mumbe nyamayi a di khuye: “Khandridzo! Egi gi vbanyago gyanana gyangu, igyo gi fudego khyago.” Mumbe nuye, khuye: “Khu lisine kamwe igyo gi fudego khyago, gyangu khegi gi vbanyago!” Khu guralo, gu di manega gu ganedzisana mbeli ga mufumeli.

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.