1 Dzipfhumu 3:2 - Bhibhiliya Nya Guage

² Matshigu yoyo vathu va di gu phasela malangani nya sigomo, kholu yi di si gu vbahwi nyumba yi lumbago lina la Pfhumu Nungungulu.

1 Dzipfhumu 3:2 Iomraidhean Croise

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 22:43

Josafati a di landrisa khu lisine esi babe waye Asa, a nga bani na gu gira, gima kha nga hambana naso, a gira ugo gululamidego mahoni ga Pfhumu Nungungulu.

1 Dzipfhumu 22:44

Aholu kha nga khungumula malanga ya musigomoni; kholu, vathu va di bani na va nga gu gira miphaso ni gu vbisa libani musigomoni.

1 Dzipfhumu 5:3

“Uwe u ngu dziti gwadi gukhuwe babe wangu Dhavhidhe, kha dzi kodza guvbaha nyumba yi lumbago lina la Pfhumu Nungungulu waye, khu mahungu nya nyimbi yi nga mu randrelago khu maphuvbo yatshavbo, kala Pfhumu Nungungulu a vega valala vaye vbavbatshi nya migondro yaye.

2 Dzipfhumu 12:4

Jowasi a di embela vaphasi nya mhamba, khuye: “Dzitsapawu dzatshavbo nya silo nya guage esi si reswago Nyumbani ga Pfhumu Nungungulu, a gu dzitsapawu nya fanelo ya vathu vatshavbo, dzitsapawu nya dzegiso nya vathu, hwane nya gu bani na holeledwe gwadi ni siningwa si ningedwago Nyumbani ga Pfhumu Nungungulu, khu gugola ga muthu ni muthu.

2 Dzikoronika 15:17

Aholu malangani nya sigomo, kha ma khungumudwa tigoni ga Israyeli; aholu monyo wa Asa wu di manega na wu gululamide ga matshigu yatshavbo nya guvbanye gwaye.

2 Dzikoronika 33:17

Aholu, vathu kha va nga diga guphasela malangani nya sigomo; aholu va di phasela basi Pfhumu Nungungulu wawe.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Dhewuteronome 12:13

Dzi wonele, u nga giri miningelo nya guvbiswe ga wumbe wulanga u na wu golago;

1 Samuweli 9:12

Avo va di va hakha, khavo: Ina kha mu mu woni wule mbeli gwanu; vbiredzani, muhuno dzude dhoropani; kholu a gu litshigu vathu vayago va ya ningela miphaso wulangani nya gigomo.