1 Dzipfhumu 3:15 - Bhibhiliya Nya Guage

¹⁵ Solomoni a di khendzuga khu ligovbeni; a wona nya gukhuye ndroro. Avbo a nga bwelelago Jerusalema, a diya ema mbeli nya Ngasa nya Gidzumeledzwano gya Pfhumu Nungungulu, a gira miphaselo nya guvbiswe, a dongisela gambe miphaso nya gurule, a gira buzo nya khongolo ga sithumi saye satshavbo.

1 Dzipfhumu 3:15 Iomraidhean Croise

Genesi 28:16

Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 31:54

Jakobe a di songa sirengo gigomoni a ramba vandriyaye guta hodza buzo. Va di khala gumogo va hodza, va lala wutshigu vbagigomotunu vbale.

Genesi 40:20

Khu litshigu nya wuraru, a nga bani ari buzo nya matshigu nya guvelegwe ga Faro, uye a di gira buzo a ramba valandreli vatshavbo vaye, vbakari nya buzo a di ranisa nuye muthangeli nya vatheledzeli nya sikombe vbamezatunu ni muthangeli nya vagiri nya mikati khu pasoni a va resa mbeli ga valandreli vaye.

Genesi 41:7

Sivbila nya guwondre, si di midza esi nya livbandre na sivili nya sikhongolo nya gutale. Khavbo avbo, Faro a di khendzuga; a diri ndroro.

1 Dzipfhumu 3:16

Khavbo avbo, va dita vanyamayi vavili nya maphuphulu ga mufumeli, va ta ema mbeli gwaye.

1 Dzipfhumu 8:63

Solomoni a di ningela miphaso nya gurule; miphaselo a nga ningelago ga Pfhumu Nungungulu, a diri magumavili na mavili magumi mazana (22.000) nya dzimombe, ni lizana ni magumavili magumi mazana (120.000) dzinvuta; isoso khiso mufumeli ni va na Israyeli va nga agisa khiso Nyumba ya Pfhumu Nungungulu.

1 Dzipfhumu 8:65

Khu gikhati gya gimwegyo, Solomoni a di gira buzo, ni vatshavbo va na Israyeli; ni tshangano nya khongolo wu nga bani wu dugela mivbinganoni ga Lebho-Hamati, wuya kala tsongoni wa Egipito. Va di wu gira mbeli ga Pfhumu Nungungulu wathu, livbandre na mavili matshigu, a engedzela gambe mambe livbandre na mavili matshigu, ma khala likhumi na mana matshigu.

1 Dzikoronika 16:3

Khavbo avbo, a di kabanisela vatshavbo va na Israyeli, vama ni vanyamayi, moyo ni moyo a mana gipandre nya gibaba ni gitsuwu nya nyama ni sibaba nya dziuvha nya gubange.

2 Dzikoronika 7:5

Mufumeli Solomoni a di ningela miphaso ga Pfhumu Nungungulu nya magumavili na mavili magumi mazana (22.000) dzimombe, ni lizana ni magumavili magumi mazana (120.000) dzinvuta; khidzo kharati mufumeli ni vathu vatshavbo, va nga agisago khidzo Nyumba ya Pfhumu Nungungulu.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Dhaniyeli 5:1

Mufumeli Bhalitazari, a di gira buzo nya khongolo ngudzu a girela likhumi mazana (1.000) dzindruna dzaye, a sela navo wadwa.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Marko 6:21

Na li vbohide litshigu nya ladi, nya gunengele khu gu dundruga guvelegwa gwaye, mufumeli Herodhi a di gira buzo a rana madhota nya vathangeli nya dzinyimbi ni vakhongolo va Galileya.