1 Dzipfhumu 3:14 - Bhibhiliya Nya Guage

¹⁴ Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

1 Dzipfhumu 3:14 Iomraidhean Croise

1 Dzipfhumu 11:34

Aholu kha nyi na wandra watshavbo mufumo mandzani gwaye, kholu nyi na wu tiyisa mandzani gwaye, matshigu yatshavbo nya guvbanye gwaye, khu kotani ya githumi gyangu Dhavhidhe, oyu nyi mu hathidego, bwelo khavbo a sayisa milayo ni sileletelo sangu.

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 3:3

Solomoni a di gu gola Pfhumu Nungungulu, a gimbila khu sileletelo sa babe waye Dhavhidhe; aholu a di simama guphasela ni guvbisa libani malangani nya sigomo.

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

1 Dzikoronika 28:7

Nyi na tiyisa mufumo waye kala gupindruga, a gu simama kha nga muhuno gu landrisa milayo yangu ni sileletelo sangu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 29:2

Uye a di gira ugo gu lulamidego mahoni ga Pfhumu Nungungulu, kha nga satshavbo esi si nga girwago khu babe waye Dhavhidhe.

2 Dzikoronika 34:2

A di thuma mithumo ya yadi mbeli ga Pfhumu Nungungulu; a di gimbila khu dzindzila dza babe waye Dhavhidhe, a si hambani nadzo, kha ndreyela nyamudye, mwendro nyambade.

Dzindzimo 132:12

Sanana sago sa gu vegisa pwanano wangu ni sileletelo nyi va hevbudzidego, sanana sawe niso si na khala vbagikhalotunu nya wufumu wago kala gupindruga.”

Dzindzimo 21:4

Uye a di gu lomba guvbanya, uwe u mu ningide matshigu nyamba hegisa kala gupindruga.

Dzindzimo 21:5

Gupala gwago gu dandriside wuzundzo waye, u mu ambagiside wudhumo ni gungangamela.

Dzindzimo 91:16

Nyi na mu engedzela matshigu nya guvbanye, nyi mu yeyedza guvbanyisa gwangu.”

Mavingu 3:16

Gulapha nya matshigu nya guvbanye; gomo mandzani gwaye ga nyamudye; khu mandzani gwaye ga nyambade, yomo thomba ni wuzundzo.

Mavingu 3:2

kholu si na gu engedzela matshigu yago nya guvbanye, si andrisa ni gu rudzisa womi wago.

Zakariya 3:7

“Pfhumu Nungungulu nya Tshivba Yatshavbo, a ngu ganela kharati, khuye: Wa gu landrisa dzindzila dzangu, u yingisa sileletelo sangu, u na fumela nyumba yangu, gambe u na sayisa makupakupani gwangu. Nyi na gu ninga wulanga vbakari ga avo va guromo mbeli gwangu.

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

Dhewuteronome 25:15

U fanede gu manega ni pimo moyo nya guvbelele; gasi u kodze gu engedzedwa matshigu khu Pfhumu Nungungulu wago, ga litigo a na gu ningago.

Dhewuteronome 5:16

Rungudza babe ni mayi wago, kha nga idzo a gu rumidego khidzo Pfhumu Nungungulu wago, gasi matshigu yago ma engedzedwa u kodze guya khala gwadi ga litigo u ningwago khu Pfhumu Nungungulu wago.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.