1 Dzipfhumu 3:1 - Bhibhiliya Nya Guage

¹ Solomoni a di gira wulongo ni Faro, mufumeli wa Egipito, a dzegana ni nyamahegyane wa Faro, a khala mwangadzi waye, a mu resa Dhoropani ga Dhavhidhe, kala a vbedza guvbaha nyumba yaye, ni Nyumba ya Pfhumu Nungungulu, gumogo ni libhiyo li dzundrulugelago Jerusalema.

1 Dzipfhumu 3:1 Iomraidhean Croise

2 Samuweli 5:7

Aholu Dhavhidhe a di va pala a wandra likhokhola la Siyoni, a gu ilo Didhoropa la Dhavhidhe.

1 Dzipfhumu 11:1

Mufumeli Solomoni a di haladza vanyamayi nya vangi va mambe mayigo; gu diga nyamahegyane wa Faro, dzegide gambe vambe vanyamayi va Mowabhi, va Amori, va Edhomi, va Sidhoni ni Vahiti.

1 Dzipfhumu 2:10

Dhavhidhe a difa aya lala gumogo ni vavelegi vaye, dzingidwe Dhoropani ga Dhavhidhe.

1 Dzipfhumu 6:1

Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wu na nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya Pfhumu Nungungulu.

1 Dzipfhumu 7:1

Aholu Solomoni a di vbaha nyumba yaye, a yi vbedza khu likhumi na miraru myaga.

1 Dzipfhumu 7:8

Nyumba yaye a nga bani na gu khala umo, yi vbahidwe ndrani nya likupakupa nya wuvili, hwane nya nyangwa, yi di vbahidwe idzosaye ni yimbe. A di vbahela gambe mwangadzi waye nyamahegyane wa Faro, nyumba nya idzosaye neyi.

1 Dzipfhumu 9:1

Avbo Solomoni a nga vbedzago guvbaha Nyumba ya Pfhumu Nungungulu, ni nyumba nya wufumu, ni satshavbo a nga suvago gu si gira,

1 Dzipfhumu 9:10

Hwane nya magumavili myaga, avbo Solomoni a nga vbedzago guvbaha dzinyumba dza dzimbili, Nyumba ya Pfhumu Nungungulu ni nyumba nya wufumu,

1 Dzipfhumu 9:24

Gikhati nyamahegyane wa Faro, ngadza Solomoni, a nga khugago khu Dhoropani ga Dhavhidhe, a ta bela nyumbani gwaye a nga vbahedwago khu Solomoni; Solomoni a di vbaha Milo.

1 Dzikoronika 11:7

Dhavhidhe a di khala mulikhokholani momo, khidzo kharato li ranwago gupwani Didhoropa la Dhavhidhe.

2 Dzikoronika 18:1

Josafati a diri ni dzithomba ni wudhumo nya gutale; khu guralo, a di thangana wupari ni Akabi.

2 Dzikoronika 8:11

Solomoni a di dusa mwangadzi waye, nyamayi Faro, khu Dhoropani ga Dhavhidhe, a mu yisa ga nyumba a nga bani a mu vbahede; kholu a di ganela, khuye: “Mwangadzi wangu kha dzi kodzi gu khala Dhoropani ga Dhavhidhe, mufumeli wa Israyeli, kholu malanga yaya, malanga nya guage, umo gu bedego Ngasa nya Gidzumeledzwano ya Pfhumu Nungungulu.”

Ezira 5:11

Va di hi ninga phindrulo, khavo: Ethu hi sithumi sa Nungungulu wa ndzadzini ni mafuni, aholu ha gu vbahedza nyumba yi vbahidwego hwane nya myaga nya yingi, kholu yi vbahidwe ni gu tiyiswa khu mufumeli nya khongolo wa na Israyeli.

Ezira 9:14

Ina hi na engedza hi ndraga milayo yago hi thangana gambe wupari ni vathu nya guvivbe ni manyala nya nga aya, gani? Ina u diri mwalo fanelo nya gu hi gorogele u hi mbembisa nyamba tshiya ni moyo nya mitshaledwa yeyi, na?

Dhewuteronome 23:8

Sanana va na velegago, gukhugela melana nya wuraru si na dzumedziswa gu bela tshanganoni wa Pfhumu Nungungulu.