1 Dzipfhumu 22:8 - Bhibhiliya Nya Guage

⁸ Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

1 Dzipfhumu 22:8 Iomraidhean Croise

Genesi 37:8

Vandriyaye va di mu embela, khavo: “Ina uwe u na fumela vbatshani ga ethu hatshavbothu, gani? Gu nonedza gukhuwe u na khala uwe pfhumu yathu?” Va di engedzela gu mu venga khu kotani nya dzindroro ni magana yaye.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

1 Dzipfhumu 19:14

Uye a di hakha, khuye: “Eni nya gu vbisega khu ligolo ga Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumulede siluvelo sago, gambe si songetede vaprofeti vago, kheni basi nyi vbulugidego; aholu eni neni si ngu nyi piga, si vbweta gu nyi songa.

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 22:13

Mwango wu nga rumedwago guya rana Mikeya, wu di mu embela kharati, khuwo: “Wona nya gukhuwe vaprofeti vatshavbo va ganede lito limwedo, nya tshivba nya gupale ga mufumeli. Magana yago ma na khale kha nga aya yawe, u tivisa nuwe mahungu nya yadi.”

1 Dzipfhumu 22:18

Khavbo avbo, mufumeli wa Israyeli a di embela Josafati, khuye: “Ina kha nya gu embela gukheni uye kha kodzi gu ganela avbo gwangu iso nya sadi, aholu gikhati gyatshavbo uye a gu nyi tivisa iso nyamba sadi, gani?”

1 Dzipfhumu 22:27

u naya va embela, khuwe: Mufumeli wari, khuye: Thelani mwama yoyu pasoni mu mu hodzisa guhodza ni gu mu sedza mati nya tshanisa, kala nyi wuya khu gurula.”

1 Dzipfhumu 22:7

Aholu, Josafati, a di wudzisa, khuye: “Gu mwalo gambe mumbe muprofeti wa Pfhumu Nungungulu avba gasi hi hongola hi ya wudzisa gambe gwaye, gani?”

1 Dzipfhumu 22:9

Khavbo avbo, Akabi, mufumeli wa Israyeli, a di rana thenwa moyo, a ta mu embela, khuye: “Nyi resele khu wivbiredza Mikeya, mwamana wa Inila.”

2 Dzipfhumu 9:22

Avbo Joramo a nga wonago Jewu, a di khuye: “Jewu, gwadi, gani?” A di mu hakha, khuye: “Gu na manega kharini gurula na wu nga wu simama wubhayi wa mayi wago Jezabheli ni wuloyi waye na wu ngari khu talo?”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Dzindzimo 34:21

Muthu nya guvivbedwe khu monyo a gufa khu wuvivbi waye, ni avo va vengago muthu nya gululame va na tsayiswa.

Mavingu 15:12

Muhembululi kha goli wule a mu kawukago, ambari gu hidzimela gunene ga vathu nya gugengele.

Mavingu 29:10

Avo va golago gu songa vathu, va gu vengana ni muthu nya gululame, aholu avo valulamidego, va gu va vhikela.

Mavingu 9:8

U nga kawuki muhembululi, kholu a nga gu zondra, kawuka muthu nya mapimo, kholu a na gu gola.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 36:23

Gikhati ni gikhati Jewudhi a nga bani na gu vbedza gu hevbula malangalila mararu mwendro mana, mufumeli a di ma pila khu ngala wa mulovi a ma rinya gikhoni nya nilo, mavbya kala libhuku latshavbo li vbela khu guvbya.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Amosi 5:10

Va gu nyenya oyu a va kawukago phathani, va tsorodzela oyu a ganelago lisine.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Mikeya 2:7

Enu mu gu situgulwana sa Jakobe, ina Liphuvbo la Pfhumu Nungungulu li ngu vbiredza gu goroga, gani? Ina khayo aya mathumelo yaye, gani? Ina magana yangu ma ngu gira wuwadi ga wule a gimbilago khu ndzila nya gululame, gani?

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Johane 17:14

Nyi va hevbudzide mahungu yago, aholu va nya litigo va ngu va zondra kholu avo kha va lumbi litigo, kha nga eni neni nyi si lumbigo litigo.

Johane 7:7

Litigo kha li dzi kodzi gu mi zondra, aholu eni li ngu nyi zondra, kholu nya gu li tugudzisa mithumo yaye nya guvivbe.

Vagalatiya 4:16

Ina olu nyi khade nala gwanu khu kota nyi nga mi embelani lisine, gani?