1 Dzipfhumu 22:6 - Bhibhiliya Nya Guage

⁶ Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

1 Dzipfhumu 22:6 Iomraidhean Croise

1 Dzipfhumu 12:9

A di va embela, khuye: “Mwari khenu nyi va ninga phindrulo muni vathu vava va nga, khavo: Hi vbevbugisele rwalo hi rwegidwego khu babe wago?”

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

1 Dzipfhumu 18:20

Khavbo avbo, Akabi a di ramba va na Israyeli; vaya tshangana gumogo ni vaprofeti gigomoni gya Karimelo

1 Dzipfhumu 22:10

Mufumeli wa Israyeli ni Josafati, mufumeli wa Judha, va di gu khade, muthu ni muthu vbagikhalotunu gwaye nya wufumu, na va ambade dzingandzu nya wufumu, tandralani wa nyangwani ga Samariya, vaprofeti vatshavbo na va gu profeta mbeli gwawe.

1 Dzipfhumu 22:15

Avbo uye a nga vbohago, mufumeli a di mu wudzisa, khuye: “Mikeya, ina hi ngu yela guya dwanisa lidhoropa la Ramoti-Gileyadhi, mwendro kha si kodzegi, gani?” Muprofeti a di mu embela, khuye: “Gwela, kholu Pfhumu Nungungulu a na li ningela mandzani ga mufumeli.”

1 Dzipfhumu 22:5

Josafati a di engedza gambe a embela mufumeli, khuye: “Guhegula wudzisa Pfhumu Nungungulu.”

2 Dzipfhumu 10:19

Khu guralo, olu nyi raneleni vaprofeti vatshavbo Vabhahali, sithumi saye satshavbo ni vaphasi nya mhamba vaye vatshavbo; a nga hamugegi ni moyo, kholu nyi ngu vbweta gu gira mhamba nya yikhongolo ngudzu nyi girela Bhahali; watshavbo wule a na gu hamugegago kha na vbanya. Aholu Jewu a di ganela esi khu mano nya gu vbwete gu mbembisa sithumi sa Bhahali.

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

2 Dzikoronika 18:14

Na vbohide ga mufumeli, mufumeli a di mu wudzisa, khuye: “Ina gu ngu kodzega gu hi soma nyimbi hi ya sasela Ramoti-Gileyadhi, mwendro kha gu kodzegi?” Mikeya a di hakha, khuye: “Gwela u naya dugelela, kholu lidhoropa li na ningedwa mandzani gwago.”

Isaya 36:10

Gu diga isoso, ina wa gu alakanya gukhuwe nya gu tela guta sasela litigo leli, nyamba rumwa khu Pfhumu Nungungulu, gani? Kholu uye Pfhumu Nungungulu kamwe a nyi embede, khuye: Indra tigoni mule u ya sasela.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.