Biblia Todo Logo
Bìoball air-loidhne

- Sanasan -




1 Dzipfhumu 22:53 - Bhibhiliya Nya Guage

53 A di gira silo nya guvivbe mahoni ga Pfhumu Nungungulu; kholu a di gimbila khu dzindzila dza babe waye, gumogo ni dzindzila dza mayi waye, nidzo dza Jerobhowamo, mwamana wa Nebhati, a nga gira a ghohisa va na Israyeli.

Faic an caibideil Dèan lethbhreac




1 Dzipfhumu 22:53
14 Iomraidhean Croise  

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”


Lito la Pfhumu Nungungulu li dita ga muprofeti Jewu, mwamana wa Hanani, li ta wugela Bhahasa gumogo ni ndranga yaye; khu kotani nya sighoho a giridego mbeli ga Pfhumu Nungungulu, a mu gorogisa khu mithumo ya mandza yaye, gasi a mu gira a fanana ni ndranga ya Jerobhowamo, khu kharato a di mu mbembisa.


Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.


“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”


Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”


A di thuma mithumo nya guvivbe mahoni ga Pfhumu Nungungulu; aholu kha nga gira kha nga babe waye, ambari kha nga mayi waye; kholu a di khungumula gifananiso gya Bhahali, gi nga girwago khu babe waye.


A di landrela dzindzila dza vafumeli va Israyeli, kha nga idzo va nga girago khidzo va nyumbani ga Akabi, kholu mwangadzi waye a diri nyamahegyane wa Akabi; a di thuma mithumo nya guvivbe mbeli ga Pfhumu Nungungulu.


Khu hwane nya esi, Josafati mufumeli wa Vajudha, a di thangana wupari ni Akazi mufumeli wa Israyeli, uye a nga gira mithumo nya guvivbe.


Va di gorosa Nungungulu khu mithumo yawe nya guvivbe; gu di manega tungu vbakari gwawe.


Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;


Uye a di thawuludza gilo nya gufanane ni libogo a nyi mola khu ndzudzu. Liphuvbo li di nyi vega vbakari ni vbakari nya mafu ni ndzadzini, khu siwoniso sa Nungungulu, ilo li di nyi yisa Jerusalema, vbanyangwatunu nya mwanya wa Wuronga nya laba la ndrani, avbo gu nga bani gu vegidwe gifananiso gya nungungulu nya malipha, gi nga girisago wufu Nungungulu.


Lean sinn:

Sanasan


Sanasan