1 Dzipfhumu 22:47 - Bhibhiliya Nya Guage

⁴⁷ Uye a di tutumisa tigoni vatshavbo vale va nga bani na va gu thumisa wuphuphulu, va nga bani va tshade gikhatini gya babe waye, Asa.

1 Dzipfhumu 22:47 Iomraidhean Croise

Genesi 25:23

Uye a di mu hakha, khuye: “Ndrani gwago momo mayigo mavili: Mahundzu mavili nya vathu ma na dugago khu ndrani gwago. Lihundzu limwedo li na pala limbe, koma a na thumela nandra.”

Genesi 27:40

U na vbanya khu litshari lago u na khala githumi gya ndriyago, aholu mugugimbilani gwago nya gulegalege, u na tshula kanga waye thamoni gwago.”

2 Samuweli 8:14

A di vega sikwata nya masotshwa nya gu ghadhi tigoni ga Edhomi, vatshavbo va na Edhomi va di khala sithumi sa Dhavhidhe, ni Pfhumu Nungungulu a di ninga tshivba Dhavhidhe nya gupale gwatshavbo umo a nga bani na gu vbindra khumo.

1 Dzipfhumu 15:12

Kholu a di tutumisa vatshavbo vama va nga bani va gu gira wubhayi nya nayo (wukhongeli) bwelo khavbo a khungumulela satshavbo sifananiso si nga bani si giridwe khu vababe waye.

2 Dzipfhumu 3:9

Khu guralo, va di khuga vafumeli va vavili, wa na Israyeli ni wa na Judha gumogo ni mufumeli wa Edhomi; va di gimbila pfhuka nya livbandre na mavili matshigu, gu di hamugega mati nya gusele masotshwa ni sifuyo va nga bani na vari naso.

2 Dzipfhumu 8:20

Matshiguni gwaye, va na Edhomi va di tereka va dzi emisela mufumeli wawe, va bomba gu rumwa khu Judha.