1 Dzipfhumu 22:40 - Bhibhiliya Nya Guage

⁴⁰ Akabi lade gumogo ni vavelegi vaye, wulangani gwaye fumide mwanaye, Akazi.

1 Dzipfhumu 22:40 Iomraidhean Croise

2 Dzikoronika 20:35

Khu hwane nya esi, Josafati mufumeli wa Vajudha, a di thangana wupari ni Akazi mufumeli wa Israyeli, uye a nga gira mithumo nya guvivbe.

2 Dzipfhumu 1:17

Akazi a difa, kha nga idzo a ganedego khidzo Pfhumu Nungungulu khu ga muprofeti Eliya. Vbgikhalotunu gwaye nya wufumu a di tshikedzwa khu ndriyaye Joramo, kholu Acazi kha nga velega sanana. Gu di gu vbindra myaga mivili hwane nya gu Joramu, mwamana wa Josafati na khade vbagikhalotunu nya wufumu wa tigoni ga Judha.

2 Dzipfhumu 1:2

Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”

1 Dzipfhumu 22:51

Josafati lade gumogo ni vavelegi vaye, dzingidwe vbafuvbi ga vavelegi vaye, dhoropani ga babe waye Dhavhidhe. Wulangani gwaye, fumide mwanaye Jeyoramo.

1 Dzipfhumu 14:31

Robhowamo lade ni vavelegi vaye, va mu dzingide gumogo navo Dhoropani ga Dhavhidhe. Lina la mayi waye, khu Nahama, nya lifumbu la na Amoni. Wulangani gwaye fumide mwanaye Abhiya.

1 Dzipfhumu 11:21

Hadhadhi a dipwa na ngari khu Egipito nya gupwani Dhavhidhe lade gumogo ni vavelegi vaye, ni gupwani muthangeli nya nyimbi Jowabhi fude, Hadhadhi a di embela Faro, khuye: “Nyi dige nyi bwelela tigoni gwathu.”

1 Dzipfhumu 2:10

Dhavhidhe a difa aya lala gumogo ni vavelegi vaye, dzingidwe Dhoropani ga Dhavhidhe.

2 Samuweli 7:12

Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

1 Dzipfhumu 22:39

Gasi simbe si dugeledego ga mufumo wa Akabi, satshavbo a giridego, nyumba nya wufumu a vbahidego khu magwaha nya ndzofu, ni madhoropa yatshavbo a nga bani a ma vbahide, satshavbo si lovidwe umo nya Libhuku nya Matimo ya Vafumeli va Israyeli.

1 Dzipfhumu 22:41

Josafati, mwamana wa Asa, phede gu fumela Judha khu mwaga nya wu na nya gufume ga Akabi, mufumeli wa Israyeli.

1 Dzipfhumu 11:43

Khavbo avbo, Solomoni lade gumogo ni vavelegi vaye, dzingidwe dhoropani ga babe waye Dhavhidhe. Tshikhedzidwe vbagikhalotunu gwaye nya wufumu khu mwanaye Robhowamo.

1 Dzipfhumu 22:52

Akazi, mwamana wa Akabi, phede gu fumela va na Israyeli, khu mwaga nya likhumi na livbandre na mivili nya gufume ga Josafati, mufumeli wa Judha; fumede myaga mivili dhoropani ga Samariya.