1 Dzipfhumu 22:23 - Bhibhiliya Nya Guage

²³ Pfhumu Nungungulu thede liphuvbo nya malipha kanani ga vaprofeti vago vatshavbo. Aholu Pfhumu Nungungulu tiviside libango li tago avbo gwago.

1 Dzipfhumu 22:23 Iomraidhean Croise

1 Dzipfhumu 20:42

Uye a di embela mufumeli, khuye: “Pfhumu Nungungulu a ngu ganela kharati, khuye: Kha nga olu uwe u digidego mwama yoyu nyi nga bani nyi layide gukheni a songwe, uwe u na mu livba khu womi wago, ni vathu vago, va na mbembiswa wulangani ga vathu vaye.”

1 Dzipfhumu 21:19

U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

1 Dzipfhumu 22:24

Khavbo avbo, Zedhekiya, mwamana wa Kanahana, a di vboha vbafuvbi ga Mikeya, a mu veta pama khovbeni, a mu wudzisa, khuye: “Li dugide khu hayi avbo gwangu liphuvbo la Pfhumu Nungungulu wangu, li ta ganela nago?”

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Ekisodha 10:20

Aholu Pfhumu Nungungulu a di gira Faro a banga hungo ni monyo, a bomba gu tshula va na Israyeli va hongola.

Ekisodha 4:21

Pfhumu Nungungulu a di ganela ga Mosi, khuye: “Ndzilani gwago nya gubwelele tigoni ga Egipito, wona siliwugiso nyi vegidego mandzani gwago; u na si gira satshavbo mbeli ga Faro, Eni nyi na bangisa monyo waye.” “Uye kha na diga vathu va duga.”

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

Dhewuteronome 2:30

Aholu Seyoni, mufumeli wa Hesibhoni, kha hi diga hi vbindra khu tigoni gwaye, kholu Pfhumu Nungungulu wanu, a di bangisa hefemulo wawe, a bangisa myonyo yawe, gasi a kodza gu mu ningela mandzani gwanu, kha nga si wonegago kala na muhuno.

Valamuli 9:23

Nungungulu a di thela liphuvbo nya guvivbe vbakari ga Abhimeleki ni ga vavbanyi nya lidhoropa la Sikemi; vavbanyi nya lidhoropa la Sikemi va di phela gukanyisa Abhimeleki.