1 Dzipfhumu 22:22 - Bhibhiliya Nya Guage

²² Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

1 Dzipfhumu 22:22 Iomraidhean Croise

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

1 Dzipfhumu 22:20

Pfhumu Nungungulu a di ganela, khuye: Khu mani a na kanganyisago Akabi, gu a gwele Ramoti wa Gileyadhi gasi aya fela iyoyo? Simbe sivangwa si di ganela egi, simbe si ganela gyaye.

1 Dzipfhumu 22:21

Khavbo avbo, gu di dugelela liphuvbo li ta dzi bikela mbeli ga Pfhumu Nungungulu, khilo: Eni nyi naya mu kanganyisa Akabi. Pfhumu Nungungulu a li wudzisa, khuye: Khu magirelo muni?

2 Dzipfhumu 3:13

Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

Joba 1:12

Pfhumu Nungungulu a di embela Sathane, khuye: “Khedza, u wona satshavbo a gu naso, somo mandzani ni tshivbani gwago, aholu u nga tshuki u kuha mili waye.” Khu guralo Sathane a di khuga mbeli ga Pfhumu Nungungulu.

Joba 12:16

Tshivba ni guti somo avbo gwaye, ga uye a sengwago ni wule a sengago, vatshavbo vomo mandzani gwaye.

Dzindzimo 109:17

Uye a di gu gola gu vala vathu vakwawe, olu givalo nya vathu gi na mu thegele uye; a di si goli gu kategisa, olu gima a nga kategiswi.

Isaya 19:14

Pfhumu Nungungulu thede vbakari gwawe liphuvbo nya guvivbe; va dhedherekisa Egipito ga mithumo yaye yatshavbo kha nga muthu nya guleve a puluwundrago vbatshani nya magose yaye.

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

1 Thimoti 4:1

Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

1 Johane 4:6

Aholu, ethu ha gu lumba Nungungulu. Oyu a mutigo Nungungulu a ngu hi yingisa; oyu a si mutigo Nungungulu kha hi yingisi. Khidzo kharati hi gutigo guhambana nya Liphuvbo nya lisine ni liphuvbo nya malipha.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 17:17

Kholu Nungungulu vegide myonyoni gwawe gasi gu gira guhaladza gwaye, va dzumela gu thumela girengo kala ma tadzisega magana ya Nungungulu.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.

Gutuledwa 20:3

Yi di mu rinya phalani nya guete yi mu segela, yi vega gifungo khu vbatshani gasi a si pengisi gambe mayigo kala gu enela likhumi mazana (1.000) myaga. Hwane nya myaga yoyo a na tshudwa gikhatinyana.

Gutuledwa 20:7

Guvbela nya likhumi mazana myaga, Sathane a na tshudwa a gu duswa pasoni.

Valamuli 9:23

Nungungulu a di thela liphuvbo nya guvivbe vbakari ga Abhimeleki ni ga vavbanyi nya lidhoropa la Sikemi; vavbanyi nya lidhoropa la Sikemi va di phela gukanyisa Abhimeleki.

1 Samuweli 16:14

Liphuvbo la Pfhumu Nungungulu li di duga ga Sawule, a tshala a tshaniswa khu liphuvbo nya guvivbe, na li gu rumedwa khu Pfhumu Nungungulu.

1 Samuweli 18:10

Khu litshigu li landrelago, Sawule a di beledwa khu liphuvbo nya guvivbe nya gurumedwe khu Nungungulu, a di phela gu regerela mihamuhamu nyumbani gwaye, Dhavhidhe a di womba gitendre kha nga mambe matshigu. Khu gikhati gyogyo, Sawule a di pharide litshari mandzani,

1 Samuweli 19:9

Aholu liphuvbo nya guvivbe, nya gute khiyo ga Pfhumu Nungungulu, li di bwelo li bela gambe ga Sawule; uye a di khade nyumbani gwaye nari ni litshari mandzani, Dhavhidhe na gu womba gitendre gyaye.