1 Dzipfhumu 22:19 - Bhibhiliya Nya Guage

¹⁹ Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

1 Dzipfhumu 22:19 Iomraidhean Croise

1 Dzipfhumu 22:20

Pfhumu Nungungulu a di ganela, khuye: Khu mani a na kanganyisago Akabi, gu a gwele Ramoti wa Gileyadhi gasi aya fela iyoyo? Simbe sivangwa si di ganela egi, simbe si ganela gyaye.

Joba 1:6

Tshigu mwedo sanana sa Nungungulu si ngaya dzi wonegisa mbeli ga Pfhumu, Sathane nuye a diri navo.

Joba 2:1

Tshigu mwedo sihathwa sa Pfhumu Nungungulu si dita dzi wonegisa mbeli ga Pfhumu Nungungulu, Sathane a dita nuye ata patana navo mbeli ga Pfhumu Nungungulu.

Dzindzimo 81:9

Mu nga khozeli vanungungulu nyamba vati, mu nga khozeli gimbe gilo vbavbandze ga Eni basi.

Ekisodha 24:10

va ya wona Nungungulu wa Israyeli. Vbavbatshi nya migondro yaye gu di romo gilo nya gufanane ni giwindri nya guvatwe nya safira, nya guphatime kha nga ndzadzini.

Ekisodha 24:9

Mosi, Aroni, Nadhabhi, Abhiyu gumogo ni livbandre na mavili magumi madhota ya Israyeli va di lita gigomoni,

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 28:14

Khu guralo, yingisani magana ya Pfhumu Nungungulu, enu vatseketseli mu fumelago vathu vava va vbanyago Jerusalema.

Jeremiya 2:4

Yingisani magana ya Pfhumu Nungungulu enu sanana sa Jakobe, ni enu mwatshavbo mu lumbago nyumba ya Israyeli.

Jeremiya 29:20

Gasi enu, mu vbagedwego khu Jerusalema, mu yiswa wugumbitunu, Bhabhiloni, yingisani magana ya Pfhumu Nungungulu.

Jeremiya 42:15

khu magirelo yoyo, enu mitshaledwa ya na Judha, yingisani magana ya Pfhumu Nungungulu; kholu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Mwa gu yeyisani mu hongola Egipito, mu ya luvela iyoyo;

Ezekiyeli 13:2

“Mwamana wa muthu, profeta u embela vaprofeti va Israyeli va profetago olu. Embela vale va profetago khu gu si khugela, khuwe: Yingisani mahungu ya Pfhumu Nungungulu!”

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Amosi 7:16

Gasi olu yingisa magana ya Pfhumu Nungungulu. Uwe wari, khuwe: Nyi nga profeti gambe ga va na Israyeli, ambari gu ganela ga livelego la Isaki

Zakariya 1:10

Mwama a nga bani na emide vbakari nya misimbo nya murita, a di hakha, khuye: Ava khu vale Pfhumu Nungungulu a va rumedego gu gudzundrulugela litigo.

Mitengo 24:3

A di ganela wuprofeti waye, khuye: Magana ga Bhalahama, mwamana wa Bheyori, magana ya muthu nya guwone misihalo;

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 1:7

Nungungulu, a ngu ganela mayelano khu dzingilozi dzaye, khuye: “Nungungulu a gu rumela dzingilozi dzaye dzi khale maphuvbo, ni sithumi saye si khale malavbelavbe nya nilo.”

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Gutuledwa 5:11

Khavbo avbo, nyi di wona ni gupwa lito nya mwandra nya dzingilozi dzi nga bani dzi randrede gikhalo nya wufumu, ni sirengo sile sa sina ni madhota; tengo wa kona a diri makhulukhulu ni makhulukhulu ni mazanazana.

1 Samuweli 16:14

Liphuvbo la Pfhumu Nungungulu li di duga ga Sawule, a tshala a tshaniswa khu liphuvbo nya guvivbe, na li gu rumedwa khu Pfhumu Nungungulu.