1 Dzipfhumu 22:14 - Bhibhiliya Nya Guage

¹⁴ Aholu Mikeya a di ganela, khuye: “Nyi ngu sambanya khu Pfhumu Nungungulu a vbanyago, eni nyi na ganela basi iso Pfhumu Nungungulu, a na nyi embelago.”

1 Dzipfhumu 22:14 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:10

Nyi ngu sambanya khu Pfhumu Nungungulu wago a vbanyago kheni, li mwalo litigo ambari mufumo omu mune wangu a ngamba rumela vathu gu gu vbweta, aholu va ta mu tivisa gukhavo kha va gu mana. Uye a di gurumedza mifumo ni mayigo, gu sambanya gukhavo uwe u mwalo iyo gwawe.

1 Dzipfhumu 18:15

Eliya a di hakha, khuye: “Nyi ngu sambanya khu Pfhumu Nungungulu nya Tshivba Yatshavbo, oyu nyi mu thumelago, kheni: Muhuno nyi na dzi yeyedza khovbeni gwaye.”

1 Dzipfhumu 22:13

Mwango wu nga rumedwago guya rana Mikeya, wu di mu embela kharati, khuwo: “Wona nya gukhuwe vaprofeti vatshavbo va ganede lito limwedo, nya tshivba nya gupale ga mufumeli. Magana yago ma na khale kha nga aya yawe, u tivisa nuwe mahungu nya yadi.”

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Jeremiya 34:6

Muprofeti Jeremiya, a diya tivisa yatshavbo magana yaya ga Zedhekiya, mufumeli wa Judha;

Jeremiya 42:4

Muprofeti Jeremiya a di va hakha, khuye: “Nyi si pwide iso mu nyi lombidego; nyi na lombelela khu enu, ga Pfhumu Nungungulu wanu, mayelano ni gilombo gyanu. Satshavbo iso Pfhumu Nungungulu, a na gu nyi embelago, nyi na mi tivisani nyamba siha gilo.”

Mitengo 22:18

Bhalahama a di embela sithumi sa Bhalaki, khuye: “Ambari nari pwani Bhalaki a di nyi ninga nyumba yaye na yi tade khu ndralama ni parata, gima kha nyi na hambanisa sileletelo sa Pfhumu Nungungulu wangu, khu gu gira gilo nya gikhongolo ambari nya gidugwana.

Mitengo 22:38

Bhalahama a di hakha Bhalaki, khuye: “Kheni oyu, nyi womo avba, nago! Olu, nyi ngu dzi kodza gu gu embela nya gukari, gani? Nyi na gu embela esi Nungungulu a si vegidego kanani gwangu; khiso basi nyi na gu embelago!”

Mitengo 22:8

Aholu uye a di va embela, khuye: “Khalani avba wutshigu wowu nyi na ta mi ningani phindrulo nya idzo Pfhumu Nungungulu a na gu nyi embelago khidzo.” Khavbo avbo, vasingalagadzi va Mowabhi va di khala ni Bhalahama.

Mitengo 24:13

Ambari nari gupwani Bhalaki a gu nyi ninga nyumba yaye na yi tade khu parata ni ndralama, eni kha nyi dzi kodzi gu hambanisa guruma ga Pfhumu Nungungulu, gasi gu gira nya sadi mwendro gu gira nyamba sadi, khu gugola gwangu. Iso Pfhumu Nungungulu a nyi embelago khiso basi nyi na gu ganelago.

2 Vakorinto 2:17

Khu guralo ethu kha hi giri nga vambe va nya gutala va girago wugwewo khu mahungu ya Nungungulu. Aholu, nga sithumi sa Nungungulu, ha gu tshumayela khu Kristo, myonyo yathu na yi agide mahoni gwa Nungungulu.

2 Vakorinto 4:2

Aholu hi di nyenya mithumo yatshavbo nya gidema ni dzitshoni; kha ha thumisa wugengeli, gambe kha ha dzuwulugisela mahungu ya Nungungulu. Hi di ganela gikhati gyatshavbo silo nya lisine, khu gudwanela gutumbega ga vathu vatshavbo, mbeli ga Nungungulu.

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.